ညွန့်ပေါင်းသတင်းလွှာ။ ပုလဲသွယ် နိုင်ငံရေးစာမျက်နှာ။ တင်ပြ-ဆွေးနွေး-ရေးသားချက်များ။ ယမုန်နာ ဆေးခန်း။ ပြည်ထောင်စုအရေး။ ဒေါက်တာတင့်ဆွေ၏ စာများ။ My writings ၁၉၉၀ ရွေးကောက်ပွဲ။

Monday, March 2, 2009

အမျိုးသားဒီမိုကရေစီအဖွဲ့ချုပ်နှင့် မြန်မာ့ဒီမိုကရေစီအရေးတော်ပုံ၊ ချိုးဖြူခင်

ပြည်သူ့လွှတ်တော်ကိုယ်စားပြုကော်မတီ ၏ ရွေးကောက်ပွဲ (၁ဝ)နှစ်မြောက် အထိမ်းအမှတ်စာအုပ်မှ ကောက်နုတ်စာ။

(၁၉၉၈)ခုနှစ် လူထုအုံကြမှုကြီိး ပေါ်ပေါက်ပြီးနောက် မြန်မာပြည်သူတို့ တောင်းဆိုခဲ့သော ဒီမိုကရေစီစနစ် ထွန်းကားရေးအတွက် နိုင်ငံရေးပါတီများကိုဖွဲ့စည်းခွင့်ပြုခဲ့သည်။ ထို့ကြောင့် နိုင်ငံရေးပါတီအများအပြား တည်ထောင်ခဲ့ကြသည်။ ထိုပါတီများထဲတွင်တခု အပါအဝင်ဖြစ်သော အမျိုးသားဒီမိုကရေစီအဖွဲ့ချုပ်ကို (၁၉၈၈)ခုနှစ် စက်တင်္ဘာလ (၂၇)ရက်နေ့တွင် တရားဝင်ဖွဲ့စည်းတည်ထောင်ခဲ့ပါသည်။

(၁၉၉ဝ)ပြည့်နှစ် မေလ (၂၇) ရက်နေ့ ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်သည် ပြည်သူ့လွှတ်တော်ကိုယ်စားလှယ်နေရာ(၈၂)ရာခိုင်နှုံးဖြင့် အပြတ်အသတ်အနိုင်ရရှိခဲ့ပါသည်။ သို့သော် စစ်အာဏာပိုင်တို့သည်မိမိတို့၏ကတိများကို ဖေါက်ဖျက်ကာ ရွေးကောက်ပွဲရလဒ်ကို အကောင်အထည် မဖေါ်ခဲ့ပေ။ ထိုအချိန်မှစ၍ အမျိုးသားဒီမိုကရေစီအဖွဲ့ချုပ်နှင့် အာဏာလက်ကိုင်ထားသူ စစ်အာဏာရှင်တို့အကြား ထိပ်တိုက်ရင်ဆိုင်မှူများ ပေါ်ပေါက်ခဲ့သည်။ မတရားမှုကို မခံချင်စိတ်နှင့် တော်လှန်ခဲ့ရသောအချိန်ကာလမှာ ရွေးကောက်ပွဲ အနိုင်ရချိန်မှဆိုလျှင် ဆယ်စုနှစ်တခုလုံးပင်ပြည့်ခဲ့ပြီဖြစ်သည်။ ထိုအချိန်မှစ၍ ဒီမိုကရေစီလိုလားသူအပေါင်း၏ အသက်၊ သွေး၊ ချွေးများစွာ စတေးခဲ့ရသည်မှာ ယခု တိုင်ပင်ဖြစ်သည်။ ရှေ့ကိုလည်း ဘယ်မျှပေးဆပ်ရဦးမည်မသိနိုင်ပါ။ သို့သော် ပန်းတိုင်မရောက်မချင်း ဆက်လက်တိုက်ပွဲဝင်သွားကြမည်မှာ ယုံကြည်ချက်ခိုင်မာသူ အဖွဲ့ဝင်များအားလုံး၏ ခံယူချက်ပင်ဖြစ်သည်။ (၁၉၈၉)ခုနှစ် အထွေထွေအတွင်းရေးမှူးဒေါ်အောင်ဆန်းစုကြည်ကို နဝတမှ အကျယ်ချုပ်ချခဲ့ သည်။ ထိုနှစ်များတွင် အဖွဲ့ချုပ်၏ အရှိန်အဟုန်ကို မြှင့်တင်ပေးမည့် ပုဂ္ဂိုလ်များကိုလည်း စတင်ဖမ်းဆီးခဲ့သည်။

(၁၉၉၅)ခုနှစ်တွင် အမျိုးသားဒီမိုကရေစီအဖွဲ့ချုပ် အထွေထွေအတွင်းရေးမှူး ဒေါ်အောင်ဆန်းစုကြည်အား အကျယ်ချုပ်မှလွှတ်ပေးခဲ့သည်။ သို့သော်စည်းရုံးရေးအတွက် ဒေါ်အောင်ဆန်းစုကြည်၏ နယ်လှည့်ခရီးစဉ်များကို နဝတဖက်မှ လိုက်၍ နှောင့်ယှက်ဖျက်ဆီးကြသည်။ အာဏာပိုင်တို့သည် ၄င်းတို့၏ လူမှုရေးအသင်းဟူ၍ အမည်ပေးထားသော ကြံ့ခိုင်ရေးနှင့်ဖွံ့ဖြိုးရေးအသင်းကြီးသို့ ဝင်ရောက် ရေးနှင့်ပတ်သက်၍ လွတ်လပ်စွာစည်းရုံးနိုင်သည်သာမက အတင်းအကြပ်နည်းများဖြင့်ပင် ဝင်ရောက်ခိုင်းသည်။ နှစ်ပတ်လည်သင်းလုံးကျွတ် အစည်းအဝေးကြီးဆိုပြီး ပြည်သူတရပ်လုံးကို ပါဝင်စေသည်။ တောရွာနေပြည်သူများပါမကျန် ချီတက်ခိုင်းသည်။ ပြည်သူအများစုမှာ ဘုမသိဘမသိ ဝင်ရောက် ချီိတက်လျက် မိမိတို့ဒီမိုကရေစီစနစ်သို့ ချီတက်ရာတွင် ဟန့်တားမှုများပင်ဖြစ်ကြောင်းကို မသိရှာခဲ့ပေ။ ဤသို့ဖြစ်ရပ်များမှာ ပြည်သူတို့၏နိုင်ငံရေးအသိအမြင်၊ တွေးခေါ်မှူများ များစွာအားနည်းကြောင်း သာဓကများပင်ဖြစ်ပါသည်။ အာဏာပိုင်တို့၏ တဖက်စောင်းနင်း မျှတမှုမရှိကြောင်းများ၏ သာဓက လည်းဖြစ်ပါသည်။

ထိုနှစ်များမှစ၍ အာဏာပိုင်တို့သည် ပြည်သူ့လွှတ်တော်ကိုယ်စားလှယ်များနှင့် အဖွဲ့ဝင်များကို အကြောင်းရှာ ဖမ်းဆီးခြင်း၊ နှုတ်ထွက်စေခြင်းများအပြင် လူမှုရေး၊ စီးပွားရေးကိစ္စများတွင် နစ်နာ ဆုံးရှုံးမှုများဖြစ်ပေါ်အောင် ဆောင်ရွက်လျက်ရှိသည်။ အမျိုးသား ဒီမိုကရေစီအဖွဲ့ချုပ် အဖွဲ့ဝင်တို့၏ ခရီးကား ကြမ်းတမ်းခက်ခဲ၊ ပင်ပန်းဆင်းရဲ လွန်းလှပေသည်။ သို့သော် ကျွန်ုပ်တို့၏ ဒီမိုကရေစီရေး မျှော်မှန်းချက်ကိုကား မည်သို့မျှလက်လွှတ်လိမ့်မည်မဟုတ်ပေ။ တချိန်က ဗိုလ်ချုပ်အောင်ဆန်းဘာသာ ပြန်ဆိုခဲ့သည့် ကဗျာလေးကို အမှတ်ရမိသည်။

“ငါ၏ဦးခေါင်း၌ သွေးသံတို့ဖြင့် ချင်းချင်းနီ၏။ သို့သော်- ညွတ်ကားမညွတ်” ဆိုသော ကဗျာလေးပင်ဖြစ်သည်။ ယခုသက္ကရာဇ်(၂ဝဝဝ)သို့ပင် ရောက်သော်လည်းအာဏာပိုင်တို့သည် ခေတ္တ ယူထားရပါသည်ဆိုသော အာဏာကိုလက်မလွှတ်ချင်။ ရွေးကောက်ပွဲကာလသည် (၁ဝ)နှစ်တာ ခရီး ကို ဖြတ်သန်းလာခဲ့ကြပြီးဖြစ်သော်လည်း ပါတီစုံဒီမိုကရေစီစနစ်ကို ယခုတိုင် ကျင့်သုံးခွင့်မရသေး။ ၄င်းတို့ အုပ်ချုပ်ခဲ့သည့် ဆယ်စုနှစ်တခုလုံးတွင် ပြည်သူအများစု၏ အကျိုးစီးပွားမှာ ပိုမို၍သာ နိမ့်ပါးလာသည်မှာ စေတနာမမှန်ကန်မှု၊ လုပ်ငန်းမကျွမ်းကျင်မှုများကြောင့်ပင်ဖြစ်သည်။ လွတ်လပ်ပြီး မြန်မာနိုင်ငံသည် လူမှုရေး၊ စီးပွားရေး ပိုမိုတိုးတက်လာရန် ဖြစ်သော်လည်း၊ တဖြည်းဖြည်း ပိုမို ဆုတ်ယုတ်လာသည်မှာ ယခုအခါ အကြပ်အတည်းဆုံး အခြေအနေနှင့် ရင်ဆိုင်နေကြရသည်။

ထိုသို့သောအခြေအနေမှာ မမှန်ကန်ပါ။ တိုးတက်နေပါတယ်၊ အေးချမ်းသာယာနေပါတယ်ဟု ပြောနေသူများသည် မိမိနိုင်ငံကို အမှန်တကယ် တိုးတက်စေချင်သော စေတနာမှန်ရှိသူများ ဟုတ်ပါ၏ လော။ ကျွန်ုပ်တို့နိုင်ငံမှာ အဘယ့်ကြောင့် စီးပွားရေး ဆုတ်ယုတ်နေသည်ကို အဖြေရှာသင့်ပါသည်။ ဆွေးနွေးတိုင်ပင်ညှိနှိုင်းသင့်သည်။ ပြုပြင်ပြောင်းလဲရန် အခွင့်အလမ်းများလည်း ကမ္ဘာပေါ်တွင်ပေါ်ပေါက် လာပြီဖြစ်သည်။ ကမ္ဘာ့အဖွဲ့အစည်းအသီးသီးမှ ပြုပြင်ပြောင်းလဲမှုများကို လက်ခံကျင့်သုံးရမည်။ မိမိတို့၏ မှားယွင်းသော လုပ်ငန်းဆောင်ရွက်မှုများကို ပြောင်းလဲနိုင်စွမ်းလည်း ရှိရမည်။ အမှားကို မှားကြောင်း ဝန်ခံရဲလျှင်သတ္တိပင်ဖြစ်၍ ပြုပြင်ပြောင်းလဲလျှင်ကား ရဲရင့်သူပင်ဖြစ်ပါသည်။ လူတို့ အမှားများမှာ စေတနာအမှားများဟုလည်းရှိနိုင်ပါသည်။ မှားနေသည်ကို မပြုပြင်မပြောင်းလဲ ရှေ့ဆက် ၍ မှားနေလျှင် မိုက်မဲမှုပင်ဖြစ်သည်။ သမိုင်းတွင် လူယုတ်မာများအဖြစ် ကမ္ဗည်းတင်ခံရမည်မှာမလွဲပေ။ အာဏာရှိသူများသည် အမှန်တရားကို ဖုန်းကွယ်ဖျက်ဆီးချင်ကြသည်။ သို့မှသာ မိမိတို့၏သြဇာ တည်မြဲမှာဖြစ်သည်။ ဒီမိုကရေစီလိုလားသူများမှာ အမှန်တရားကိုချစ်မြတ်နိုးသူများပင်ဖြစ်သည်။

အမှားနှင့်အမှန်သည် ထိပ်တိုက်တွေ့ရစမြဲပင်ဖြစ်သည်။ သြဇာအာဏာ အပြည့်အဝသုံး၍ တဖက်သတ် ဗိုလ်လုပ်အုပ်ချုပ်သူများသည် အမှန်တရားကိုရွံမုန်းကြ၏။ ထို့ပြင် အမှန်တရားကို ကြောက်လည်း ကြောက်ရွံ့ကြကုန်၏။ အမှန်တရား၏ ဘက်တော်သားတို့မှာမူ အဘယ်မျှ အရေးနိမ့်ပါစေ ကြောက်ရွံ့ခြင်းကင်းကြ၏။ ၄င်းတို့၏ နှစ်လုံးသည်းပွတ် အမြုတေတွင် သစ္စာတရားသည် ထွန်းလင်း တောက်ပနေခြင်းကြောင့်ပင်ဖြစ်သည်။ ထို့ကြောင့်သင်သည် အမှန်တရား၏ဘက်တော်သားဖြစ်ပါမူ မကြောက်မရွံ့ပါနှင့်၊ နောက်တွန့်မနေပါနှင့်၊ အမှားနှင့်အမှန်တို့ လွန်ဆွဲပွဲမှာ အမှန်တရားသည်သာ နိုင်ရမည်ဟု စွဲမြဲစွာယုံကြည်ထားပါရန် ဒီမိုကရေစီ အင်အားစုများကို အားဖြည့် လောင်းပေးချင်ပါသည်။

အာဏာပိုင်တို့သည် မိမိတို့တာဝန်ပျက်ကွက်သည်သာမက ဒီမိုကရေစီအရေးကို ဟန့်တား နှောင့်ယှက် ဖျက်ဆီးနေခြင်းသည် ပြည်သူအကျိုးထက်၊ မိမိကိုယ်ကျိုးစီးပွားကိုသာ ရှေးရှုနေကြခြင်းဖြစ်သည်။ အများကတော့ ဆင်းရဲဒုက္ခဖြစ်ပြီး မိမိတို့ လူတစုကသာ ကောင်းစားနေကြခြင်းဖြင့် မိမိတို့ လိပ်ပြာမိမိတို့လုံကြရဲ့လားဟု မေးချင်လှပါသည်။ ပြည်သူ့လွှတ်တော်ကိုယ်စားလှယ်များနှင့် အဖွဲ့ချုပ် အဖွဲ့ဝင်များကို မတရားဥပဒေမဲ့ ထိန်းသိမ်းထားရုံမက ၄င်းတို့ မိသားစုများ၏စားဝတ်နေရေးကိုပင် လိုက်လံနှောက်ယှက်သည်အထိ သိမ်ဖျင်းသည့်လုပ်ရပ်များကို လုပ်ဆောင်နေကြသည်။ ထိုသို့ပြုမူချက်များကြောင့် ပြည်သူ့လွှတ်တော်ခေါ်ယူခြင်းမပြုနိုင်ခြင်းဖြစ်သည်။ ထို့ကြောင့် ပြည်သူ့လွှတ်တော် ကိုယ်စားလှယ်များအား ပေးအပ်ထားသည့်တာဝန်များကို လျစ်လျူမရှုနိုင်သည့် အားလျော်စွာ အတိုင်းအတာတခုအထိ ဆောင်ရွက်နိုင်ရန် (၁၉၉၈)ခုနှစ် စက်တင်္ဘာလ (၁၆)ရက်နေ့တွင် ပြည်သူ့ လွှတ်တော် ကိုယ်စားပြု ကော်မတီကို ဖွဲ့စည်းလိုက်သည်။

မြန်မာ့သမိုင်းတွင် ဖက်ဆစ်စနစ်ကြောင့် ခါးသီးမှုများကိုတွေ့ခဲ့ရ၍ ထိုအနိဋ္ဌာရုံများကြောင့် အလွန်ကြီးမားကျယ်ပြန့်သော အတွေ့အကြုံကြီးကို ပြည်သူတရပ်လုံးကရရှိခံစားခဲ့ရသည်။ ကျွန်ုပ်တို့ သည် ဤကဲ့သို့ အတွေ့အကြုံများနှင့် ကိုယ်တိုင်လည်း လွတ်လပ်ရေးတိုက်ပွဲဝင်လာခဲ့ရသည်။ အသိပညာ၊ အတတ်ပညာအပြင် အတွေ့အကြုံပြည့်စုံသည့် ပုဂ္ဂိုလ်ကြီးများကို ဆရာမတင်လျှင်၊ မချဉ်းကပ်လျှင် မည်ကဲ့သို့သော လူမျိုးများကို မှီဝဲဆည်းကပ်ရပါမည်နည်း။ လက်ညှိုးထောင် ခေါင်းညိတ် လုပ်လာပြီး ရာထူး တက်လာသူများကို မဆည်းကပ်နိုင်ပါ။ ကျွန်ုပ်တို့သည် ဤသက်ကြားအိုများထံမှ အဖိုးမဖြတ်နိုင်သောအတွေ့အကြုံဗဟုသုတ နိုင်ငံရေးအဘိဓမ္မာများကို ရယူရမှာဖြစ်ပါသည်။ ဇရပ်ပျက်ထဲမှာဆိုတာကတော့ ပြည်သူတရပ်လုံးကထောက်ခံထားသည့် အနိုင်လည်းရခဲ့သည့် ပါတီတခုလုံးကို ဇရပ်ပျက်ကလေးသာပေးထားခဲ့ခြင်းသည်။ မည်သူ တရားပျက်နေပါသလဲဆိုတာ လယ်ပြင်မှာ ဆင်သွားသလို မားမားကြီးပေါ်လွင်နေတာတောင်မှ အယုံအကြည်မရှိမထောက်ခံဆိုသော စာတမ်းများနှင့် ကမ္ဘာ့အကြီးအမားဆုံး ကလိမ်ဆင်မှုကြီးများကို ဗြောင်လိမ်ဗြောင်စားလုပ်နေသူများမှာမည်သူတို့နည်း။

• သူတို့ဉာဏ်တထွာတမိုက်နှင့်
မိုက်လိုက်ကြတာကမ်းကုန်-ဟုပင် ဆိုချင်ပါသည်။
• တခေတ်မှာတခါ
တခါမှာတယောက်
တယောက်ဆိုတယောက်ဆိုလောက်ပါတဲ့-

ကျွန်ုပ်တို့၏ရှေ့ဆောင်လမ်းပြ ခေါင်းဆောင်ကောင်းတဦးကိုလည်း ‘ကနားစီးမယ်တော်’ ‘ကနားစီးမယ်တော်’ ထပ်ခါထပ်ခါ ပြောဆိုနေကြတာမို့ နှလုံးသွေးတစက်နဲ့ရေးစပ်လို့ပြခဲ့ချင်ပါသည်။
• ကနားစီးမယ်တော်
ဘာကိုခေါ်ပါသလဲ
ကနားလည်းမစီး
နတ်လည်းမစီး
မဟုတ်မဟတ်
လုပ်ဇာတ်တွေခင်းမလာနဲ့
အမှန်တရားအတွက်
အသက်များဆက်
တတောက်တောက်လျှောက်
နောက်တွန့်သွားမည်မဟုတ်ပါ-။

ပြည်သူတရပ်လုံးနှင့် အမျိုးသားဒီမိုကရေစီအဖွဲ့ချုပ် အဖွဲ့ဝင်များအားလုံးကိုလည်း သတိပြုစေချင်ပါသည်။ လူ့အခွင့်အရေးကို အပြည့်အဝလိုချင်လျှင် မိမိရှေ့ကိုရောက်လာသည့် အခွင့်အရေး များကို ဆုပ်ကိုင်တတ်ရန် လိုအပ်လှပါသည်။ ယခုအခါ ကမ္ဘာတွင် တနိုင်ငံနှင့်တနိုင်ငံ ဆက်နွယ်မှု များရှိနေသောကြောင့် တကမ္ဘာလုံးကလည်း အမှန်တရားဘက်ကသာ ထောက်ခံကြမည်ဟု ယုံကြည် သည်။ ထို့ကြောင့် နေသာသလိုနေ၍ ဟီးလေးခိုလိုက်၍ မနေသင့်ပေ။ “လက်သည်ချည်းပဲ အားကိုးလို့မရ။ ညှစ်အားလေးလည်း ပေးအုန်းမှ” ကိုယ်လိုရာပန်းတိုင် ရောက်နိုင်မည်ကို သတိချပ် သင့်သည်။

မိမိရှေ့မှောက်ရောက်လာသည့် ဆန္ဒဖေါ်ထုတ်မှုများကို လက်လွတ်မခံပါနဲ့ဟု ပြည်သူတရပ်လုံးကို တိုက်တွန်းချင်ပါသည်။ ထိုသို့မိမိပိုင်ဆိုင်သည့် အခွင့်အရေးများတို့သည် ကြောက်ရွံ့ခြင်းကြောင့် ဆုံးရှုံးခဲ့ကြသည်။ (၁၉၈၈)ခုနှစ် အရေးအခင်းအပြီးတွင် ဝန်ထမ်းများ အလုပ်ပြန်မဆင်းရန် လှုံ့ဆော်ခဲ့ ဖူးပါသည်။ ဝန်ထမ်းများ ခေတ္တအနာခံခဲ့မည်ဆိုလျှင် ဒီမိုကရေစီ အကောင်အထည် ဖေါ်နိုင်ခဲ့ပြီဖြစ်မည်။ ဝန်ထမ်းများလုပ်ငန်းခွင်မဝင်လျှင် လက်ရှိယန္တယားများသည် ဘယ်လို လည်ပတ်မည်နည်း။ ယခုတော့ မကြောက်သင့်သည်ကို ကြောက်ရွံ့မိခဲ့သဖြင့် ကြောက်ရွံ့ဖွယ်ရာ အဖြစ်ဆိုးများနှင့် ကြုံခဲ့ရပြီဖြစ်သည်။ ထို့ပြင် မလုပ်သင့်မလုပ်ထိုက်၊ မလုပ်နိုင်လျှင် ပြတ်သားစွာ ငြင်းပယ်နိုင်ရမည်။ တင်ပြရဲရမည်၊ ကြံ့ဖွတ်ထဲ မဝင်လိုလျှင် ပြတ်သားစွာငြင်းပယ်နိုင်ရမည်။ မကြောက်ရွံ့သင့်သည်ကို ကြောက်ရွံ့မှုများမှလည်းကောင်း၊ မညီညွတ်မှု များမှလည်းကောင်း ကျွန်ုပ်တို့ ဒီမိုကရေစီတော်လှန်ရေးကြီး သက်ဆိုးရှည်လျားခဲ့ရသည်။ မဆုံးရှုံးသင့်သော အခွင့်အရေးများ အားလုံး ဆုံးရှုံးပြီး ပို၍ဖိနှိပ်အနိုင်ကျင့် နှိပ်စက်ခံနေကြရသည်ဟု သိသင့်သည်။

ထို့ပြင် ပြည်သူတို့၏ နိုင်ငံရေးအသိ တွေးခေါ်မြှော်မြင်မှုများ များစွာလို အပ်နေကြောင်းကိုလည်း သတိပြုရမည်။ လူထုအတွင်း ပညာပေးမှုများ၊ နိုင်ငံရေးအသိများမြှင့်တင်ပေးရန်နှင့် မျိုးချစ်စိတ် သွေးအေးနေမှုများ နိုးကြားလာရန် ဆောင်ရွက်ရန် များစွာလိုအပ်နေပါသည်။ ကျောင်းသားလူငယ်များ၏စိတ်တွင် ဗိုလ်ချုပ်အောင်ဆန်း၏ ရိုးသားမှု၊ အမှန်တရားကိုမြတ်နိုးမှု၊ နိုင်ငံချစ်မှုများကို အမြဲစံပြထားသတိရစေရန် မူလတန်း၊ အလယ်တန်း၊ အထက်တန်းများအလိုက် ရင်ထိုးပုံများကိုထိုးခြင်း၊ အာဇာနည်နေ့ကို အလေးအနက်ထားသော ဆောင်ရွက်မှုများကို ပြုလုပ်ပေးခြင်းတို့ကို လုပ်ပေး စေချင်လှသည်။ အချိန်ကိုတော့ စောင့်ရဦးပေမည်။

ထိုအချိန်ကား မြန်မာနိုင်ငံတွင် ဒီမိုကရေစီစနစ်အခြေခံခိုင်မာပြီး လူ့အခွင့်အရေးများကို အပြည့်အဝရနိုင်မည့် အချိန်ပင် ဖြစ်တော့သည်။ ပြည်သူတရပ်လုံးကလည်း ဒီမိုကရေစီအရေးအတွက် ရှေ့တန်းမှဆောင်ရွက်နေကြသော အာဇာနည်များ၏ အသက်သွေးစတေးမှုများက်ို ထောက်ထား စာနာသောအားဖြင့် အိမ်တွင်းမှ တော်လှန်နိုင်သော တော်လှန်ရေးလေးများကို ပြုလုပ်ကြစေချင်ပါသည်။ အမှန်တရားဘက်မှ ရပ်တည်မည့်သူများသည် ဘယ်သူတွေ ဘယ်လိုခြောက်ခြောက်၊ ဘယ်လိုမြှောက်မြှောက် ယောင်ရမ်းလို့ဖြင့် လမ်းမလွဲပါစေနှင့်။ တချိန်ကပြည်ပ ဖက်ဆစ်တော်လှန်ရေးထက်ပင် ပြည်တွင်း ဖက်စစ်တော်လှန်ရေးသည် ပို၍ခက်ခဲပါသည်။ စစ်အာဏာရှင်စနစ်ကို အလိုမရှိလျှင် တရားမျှတသော ဒီမိုကရေစီစနစ် အောင်မြင်ရေးအတွက် လုပ်သင့်လုပ်ထိုက် လုပ်နိုင်သည်များကို လုပ်ဆောင်ကြပါ။

• ဘေးမပြောပါနှင့်
ဘေးပြောလျှင် အကျိုးမရှိနိုင်
ငေးမောနေလျှင်လည်း ဒီမိုကရေစီနှင့်ဝေးသွားနိုင်-။

အမျိုးသားဒီမိုကရေစီအဖွဲ့ချုပ်မှကိုယ်စားလှယ်များနှင့်အဖွဲ့ဝင်များသည် မိမိတို့ဆုပ်ကိုင် ထားသော အမှန်တရားအတွက် ဘယ်သူတွေ ဘယ်လိုခြောက်ခြောက် မကြောက်ပါနှင့်။ ဘယ်လို မြှောက်မြှောက် မြောက်ပါနှင့်။ အမှန်တရားဆိုသည်မှာ သိက္ခာရှိသည်၊ ရိုးသားသည်။ သိက္ခာရှိစွာ၊ ရိုးသားစွာ တာဝန်သိကြပါ။ ဒီမိုကရေစီအရေးတော်ပုံကြီးသည် သမိုင်းပေး တာဝန်တရပ်လည်းဖြစ် သည်။ မိမိတို့သမိုင်းကို မိမိတို့ရိုးသားစွာ၊ သိက္ခာရှိစွာ အမှန်တရားဘက်မှရပ်တည်၍ ဒီမိုကရေစီ အရေးတော်ပုံမှာ ပါဝင်ကြိုးစားခြင်းဖြင့် ရေးသားကြပါစို့။ ။

ချိုးဖြူခင် (ပဲခူး)

No comments:

Post a Comment