ညွန့်ပေါင်းသတင်းလွှာ။ ပုလဲသွယ် နိုင်ငံရေးစာမျက်နှာ။ တင်ပြ-ဆွေးနွေး-ရေးသားချက်များ။ ယမုန်နာ ဆေးခန်း။ ပြည်ထောင်စုအရေး။ ဒေါက်တာတင့်ဆွေ၏ စာများ။ My writings ၁၉၉၀ ရွေးကောက်ပွဲ။

Tuesday, March 3, 2009

တိုင်းရင်းသားပါတီများ၏ ပြည်သူ့ လွှတ်တော်ခေါ်ယူပေးရန်တောင်းဆိုချက်

နောက်ဆက်တွဲ (ဈ)
တိုင်းရင်းသားပါတီများ၏ ပြည်သူ့ လွှတ်တော်ခေါ်ယူပေးရန်တောင်းဆိုချက်

သို့
ဗိုလ်ချုပ်မှူးကြီးသန်းရွှေ
ဥက္ကဋ္ဌ
နိုင်ငံတော်အေးချမ်းသာယာရေးနှင့် ဖြိုးရေးကောင်စီ

အကြောင်းအရာ။ ။ အမျိုးသားပြန်လည်သင့်မြတ်ရေးအတွက်တွေ့ဆုံဆွေးနွေးကြပါရန်ပန်ကြားခြင်း။

ကျွန်ုပ်တို့သည် ပြည်ထောင်စုကြီးအကျိုးကို ဦးထိပ်ပန်ထားလျက် အမျိုးသား ပြန်လည်သင့်မြတ်ရေးအတွက် စိတ်စေတနာကောင်းဖြင့်တင်ပြပါသည်။ ပြည်ထောင်စုကြီးတွင်လက်ရှိအခြေအနေအရ နိုင်ငံရေး၊ စီးပွားရေး၊ လူမှုရေး စသည့် အကြပ်အတည်းပေါင်းစုံနှင့် ကြုံတွေ့နေရသော အချိန်ကာလ ဖြစ်ပါသည်။ ထိုအကြပ်အတည်းပေါင်းမှ လွတ်မြောက်နိုင်ရန်နှင့် အမျိုးသားပြန်လည်သင့်မြတ်ရေးကို ရယူနိုင်ရန်အတွက် အောက်ပါတို့ကို ဆောလျင်စွာ ဆောင်ရွက်သင့်သည်ဟု ရိုးသားစွာဖြင့်တင်ပြအပ်ပါသည်။

တပ်မတော်သည် နိုင်ငံတော်အာဏာကို ထိန်းသိမ်းပြီးနောက် နိုင်ငံရေးပါတီများကို ဖွဲ့စည်း ခွင့်ပေးခြင်း၊ တရားသဖြင့် လွတ်လပ်သည့်ပါတီစုံဒီမိုကရေစီအထွေထွေရွေးကောက်ပွဲကို ကျင်းပပေးခြင်း သည် ဒီမိုကရေစီအရေးကိုရှေးရှုသော ကောင်းမြတ်သည့် ဆောင်ရွက်ချက်များဖြစ်ပါသည်။ သို့ရာတွင် ရွေးကောက်ပွဲရလဒ်ကို ဆက်လက်အကောင်အထည် မဖေါ်နိုင်သေးခြင်းသည် မြန်မာ့သမိုင်းတွင် အမဲစက်ကြီး ဖြစ်နေပါသည်။ ထိုအမဲစက်ကြီးကိုချေဖျက်နိုင်ရန်မှာ ရွေးကောက်ပွဲ၏ ရလဒ်ကိုအမြန်ဆုံး အကောင်အထည်ဖေါ်ပေးရန်နှင့် ပြည်သူ့လွှတ်တော်ခေါ်ယူပေးရန်မှအပ အခြားနည်းလမ်းမရှိပေ။ ပြည်ထောင်စုမြန်မာနိုင်ငံတွင် လက်ရှိနိုင်ငံရေး၊ စီးပွားရေး၊ လူမှုရေး၊ တိုင်းရင်းသား လူမျိုးများ အရေးတို့ကို ဖြေရှင်းနိုင်သေးဘဲ အကြပ်အတည်းပေါင်းစုံနှင့် ကြုံတွေ့နေရသောကာလ ဖြစ်သည်။ ထို အကြပ်အတည်းများမှ လွတ်မြောက်နိုင်ဖို့အတွက် ဖြေရှင်းနိုင်သည့်နည်းလမ်းမှာလည်း တပ်မတော်အင်အားစု (လက်ရှိအာဏာပိုင်အဖွဲ့အစည်း)၊ အမျိုးသားဒီမိုကရေစီအဖွဲ့ချုပ်အပါအဝင် ဒီမိုကရေစီအင်အားစုများနှင့် တိုင်းရင်းသား အင်အားစုများဖြစ်သည့် ရွေးကောက်ပွဲဝင် တိုင်းရင်းသားပါတီများနှင့် လက်နက်ကိုင် အင်အားစုတို့သည် အမျိုးသားပြန်လည်သင့်မြတ်ရေးအတွက် နိုင်ငံရေးအရအဓိပ္ပါယ်ရှိသော တွေ့ဆုံဆွေးနွေးခြင်းဖြင့်သာလျှင် ဖြေရှင်းနိုင်မည်ဟု အလေးအနက်ယုံကြည်ပါသည်။

ဤသို့တင်ပြခြင်းမှာ ကိုယ်ကျိုးစီးပွားအတွက်မဟုတ်မူဘဲ ပြည်ထောင်စုကြီးနှင့် ပြည်သူတ ရပ်လုံး၏ ယနေ့ဖြစ်ပေါ်နေသော အခြေအနေအရကို လေ့လာသုံးသပ်လျက် ထိပ်တိုက်ရင်ဆိုင်နေရမှုများနှင့် ဖြေရှင်းရ ခက်လှသော နိုင်ငံရေးပြဿနာများကို မိမိတို့ပြည်တွင်းရှိ တိုင်းရင်းသားအချင်းချင်း သွေးစည်းညီညွတ်စွာဖြင့် ဖြေရှင်းဆောင်ရွက်နိုင်ရန် တင်ပြတိုက်တွန်းခြင်းသာဖြစ်ပါသည်။ ထိုသို့ဆောင်ရွက်ရအတွက်လည်း အချိန်အခါ ကျရောက်နေပါသည်ဟု ယုံကြည်ပါသည်။ ကျွန်ုပ်တို့အားလုံးသည် ပြည်ထောင်စုကြီးနှင့်တကွ ပြည်သူလူထုအပေါ်ထားရှိသော စေတနာမှန်ဖြင့် မာန်မာနနှင့် အာဃာတ တရားကင်းစင်စွာ ဖြေရှင်းကျော်ဖြတ်ကြလျှင် အကြပ်အတည်းမှန်သမျှကို မအောင်မြင်နိုင်စရာမရှိဟု အလေးအနက်ယုံကြည်စွာဖြင့် တိုက်တွန်းတင်ပြအပ်ပါသည်။

(ဒေါက်တာစောမြအောင်) (ခွန်ထွန်းဦး)
ပြည်သူ့လွှတ်တော်ကိုယ်စားလှယ် ပြည်သူ့လွှတ်တော်ကိုယ်စားလှယ်
မြောက်ဦးမြို့နယ်၊ မဲဆန္ဒနယ်အမှတ်(၁) သီပေါမြို့နယ်၊ မဲဆန္ဒနယ်အမှတ်(၁)
ဥက္ကဋ္ဌ၊ ရခိုင်ဒီမိုကရေစီအဖွဲ့ချုပ်(အဖျက်သိမ်းခံ) ဥက္ကဋ္ဌ၊ ရှမ်းတိုင်းရင်းသားများဒီမိုကရေစီအဖွဲ့ချုပ်

(နိုင်ထွန်းသိန်း) (ကျင့်ရှင်းထန်)
ပြည်သူ့လွှတ်တော်ကိုယ်စားလှယ် ပြည်သူ့လွှတ်တော်ကိုယ်စားလှယ်
သံဖြူဇရပ်မြို့နယ်၊ မဲဆန္ဒနယ်အမှတ်(၂) တီးတိန်မြို့နယ်၊ မဲဆန္ဒနယ်အမှတ်(၂)
ဥက္ကဋ္ဌ၊ မွန်အမျိုးသားဒီမိုကရေစီအဖွဲ့(အဖျက်သိမ်းခံ) ဥက္ကဋ္ဌ၊ ဇိုမီးအမျိုးသားကွန်ဂရက်(အဖျက်သိမ်းခံ)

No comments:

Post a Comment