ညွန့်ပေါင်းသတင်းလွှာ။ ပုလဲသွယ် နိုင်ငံရေးစာမျက်နှာ။ တင်ပြ-ဆွေးနွေး-ရေးသားချက်များ။ ယမုန်နာ ဆေးခန်း။ ပြည်ထောင်စုအရေး။ ဒေါက်တာတင့်ဆွေ၏ စာများ။ My writings ၁၉၉၀ ရွေးကောက်ပွဲ။

Tuesday, March 3, 2009

ပြည်သူ့လွှတ်တော်ကိုယ်စားပြုကော်မတီ၏ ကြေညာချက်များ

ပြည့်သူ့လွှတ်တော်ကိုကိုယ်စားပြုသည့် ကော်မတီ
COMMITTEE REPRESENTING PARLIAMENT
အမှတ်(၉၇/ခ) အနောက်ရွှေဂုံတိုင်လမ်း၊ ဗဟန်မြို့နယ်၊ ရန်ကုန်မြို့

ကြေညာချက်အမှတ် - ၁၁(၄/ဝဝ)

၁။ ရန်ကုန်တက္ကသိုလ် ကျောင်းသား/ကျောင်းသူများနေထိုင်ရာ သမိုင်းဝင်အဆောင်များကို ရုံးခန်းများအဖြစ် အသုံးပြုတော့မည်ဖြစ်ကြောင်း ကြားသိရသည်။

၂။ ရန်ကုန်တက္ကသိုလ် ကျောင်းသား/ကျောင်းသူတို့၏ ပညာရေးလိုအပ်ချက်များပေါ် တောင်းဆိုဆန္ဒပြ မှုအား ပြေလည်အောင်ဖြေရှင်းခြင်းမပြုပဲ (၁၉၉၆)ခုနှစ် ဒီဇင်္ဘာလမှစ၍ ရန်ကုန်တက္ကသိုလ်ကို စစ်အာ ဏာရှင်များက ပိတ်ထားခဲ့သည်မှာ (၃)နှစ်ကျော်ခဲ့ပြီဖြစ်သော်လည်း ယနေ့အထိ ပြန်လည်ဖွင့်လှစ်ပေး ခြင်း မရှိသေးချေ။

၃။ ပြန်လည်ဖွင့်လှစ်ပေးခြင်း မရှိရုံမျှမက (၃ဝ၊ ၃၊ ၂ဝဝဝ)ရက်နေ့တွင် ပြုလုပ်သော တက္ကသိုလ် ဝန်ထမ်းများ အစည်းအဝေးတွင် ရန်ကုန်တက္ကသိုလ်၏ သမိုင်းဝင်လူနေဆောင်များကို တက္ကသိုလ်ရုံးခန်းများအဖြစ် ပြောင်းလဲ အသုံးပြုတော့မည်ဖြစ်ကြောင်း ရန်ကုန်တက္ကသိုလ်ပါမောက္ခချုပ်က တရားဝင်ပြောကြားခဲ့သည်ဟု ကြားသိရသည်။

၎။ ကြားသိရသည့် သတင်းများအရ ရန်ကုန်တက္ကသိုလ်ခေတ်အဆက်ဆက် ကျောင်းသားများနေထိုင်ခဲ့ သော လူနေဆောင်များကို ရုံးခန်းများအဖြစ် အောက်ပါအတိုင်း ပြောင်းလဲပစ်မည်ဟု သိရှိရသည်။
• ပဲခူးဆောင်ကို ငွေစာရင်းဌာန
• ပင်းယဆောင်ကို ရုံးချုပ်နှင့် အထွေထွေဌာန
• စစ်ကိုင်းဆောင်ကို အင်ဂျင်နီယာရုံးဌာန
• အင်းဝဆောင်ကို စာကြည့်တိုက်နှင့် သုတေသနဌာန
• ဒဂုံဆောင်ကို မြန်မာစာဌာန
• ရွှေဘိုဆောင်ကို ရှေးဟောင်းသုတေသနပညာဌာန
• ရတနာဆောင်ကို ဒဿနိကနှင့် နိုင်ငံတကာဆက်ဆံရေး ပညာဌာနရုံးများအဖြစ် ပြောင်းလဲ အသုံးပြုမည်ဟု ဆိုသည်။ ပဲခူးဆောင်မှာ ဗိုလ်ချုပ်အောင်ဆန်း တက္ကသိုလ်ကျောင်းသားဘဝက နေခဲ့သော အဆောင်ဖြစ်ကြောင်း သိရှိရသည်။

၅။ ယခုအခါတွင် စစ်အာဏာရှင်များက စစ်တပ်အတွက်ဖွင့်လှစ်ထားသည့် တက္ကသိုလ်ကျောင်းများ၊ ကောလိပ်များ၊ သင်တန်းကျောင်းများ၌ ခေတ်မီသင်ကြားမှု အထောက်အကူပစ္စည်းများ စုံစုံလင်လင် ဖြင့် သီးခြားလူတန်းစားတရပ်အဖြစ် အထူးသင်ကြားပေးနေသော်လည်း ပြည်သူလူထု၏ သားသမီး များဖြစ်ကြသော မျိုးဆက်သစ် လူငယ် တက္ကသိုလ် ကျောင်းသား/ကျောင်းသူများမှာ တက္ကသိုလ်ကျောင်းများ ပိတ်ထားခြင်းခံရသဖြင့် မိမိတို့ဘဝ၏ အနာဂတ် ပျောက်ဆုံး လျက်ရှိပေသည်။ သို့အတွက်ကြောင့်လည်း လူသားအရင်းအမြစ်များဖြစ်သော ယနေ့ကျောင်းသား လူငယ်တို့၏ စိတ်ဓါတ်ရေးရာများ ပျက်ပြားလျက်ရှိနေသည်ကို အထင်အရှားတွေ့မြင်နေရသည်။

၆။ နိုင်ငံတနိုင်ငံ၏ ခေတ်မီဖွံ့ဖြိုးတိုးတက်ရေးသည် လူသားအရင်းအမြစ် ဖွံ့ဖြိုးတိုးတက်ရေး တနည်းအားဖြင့် နိုင်ငံတဝှမ်းလုံးရှိ တိုင်းရင်းသားလူမျိုးလူငယ်အားလုံးတို့၏ ဖွံ့ဖြိုးတိုးတက်ရေးနှင့် တဆက်တစပ်တည်း ဖြစ်ပေသည်။ စစ်အာဏာရှင်များက သီးခြားခွဲထုတ်မွေးမြူလေ့ကျင့်သင်ကြားပေးသော လူငယ်တစု၏ ဖွံ့ဖြိုးတိုးတက်ရေးနှင့် တဆက်တစပ်တည်းဖြစ်ပေသည်။ စစ်အာဏာရှင်များက သီးခြားခွဲထုတ် မွေးမြူလေ့ကျင့်သင်ကြားပေးသော လူငယ်တစု၏ ဖွံ့ဖြိုးတိုးတက်ရေးမျှဖြင့် မြန်မာတနိုင်ငံလုံး ခေတ်မီဖွံ့ ဖြိုးတိုးတက်မှု မဖြစ်နိုင်ပေ။ လူငယ် ကျောင်းသားထုအား ယင်းသို့ခွဲခြားပြုစုပျိုးထောင်မှုများသည် တနေ့ သောအခါတွင် အမျိုးသားသွေးကွဲမှုနှင့် မုန်းတီးမှုများကိုပင် ဖြစ်ပေါ်လာနိုင်သည်ကို သတိပြုသင့်သည်။

၇။ အချို့နိုင်ငံခြားတိုင်းပြည်များက မြန်မာနိုင်ငံအား ပညာရေးနှင့်သက်ဆိုင်သော ငွေကြေးအထောက်အပံ့များ ပညာသင်ကြာရေးအတွက် အထောက်အကူပစ္စည်းများ ပေးလိုကြသည်ဟုကြားသိရသည်။ သို့သော် အထက်ပါ အပြုအမူများကို ကြည့်လျှင် ယခုကဲ့သို့ စစ်အာဏာရှင်စနစ်အောက်တွင် ပံ့ပိုးပေးလိုက်သော အထောက်အပံ့များသည် တိုင်းပြည်နှင့်လူထုအတွက်မျှမျှတတ လုံးဝမဖြစ်နိုင်ပဲ အကျိုးအမြတ်ဖြစ်ထွန်းမှုကင်းမဲ့ကာ အဟောသိကံဖြစ်ဖွယ်ရာသာ ရှိပေသည်။

၈။ မြန်မာနိုင်ငံတက္ကသိုလ်ကျောင်းသားများ၏ ခေတ်အဆက်ဆက် ပညာရည်နို့သောက်စို့ရာ ဌာနကြီး ဖြစ်ရုံမျှမက မြန်မာနိုင်ငံ လွတ်လပ်ရေးရရှိရန် အသက်စွန့်ဆောင်ရွက်ခဲ့သော ခေါင်းဆောင်များကို မွေး ထုတ်ပေးရာလည်းဖြစ်၍ အမျိုးသားရေးကို လှုပ်နှိုးပေးလိုက်သော (၁၉၂ဝ)ပြည့်နှစ် တက္ကသိုလ် ကျောင်းသားသပိတ်ကြီး ပေါ်ပေါက်ရာဌာနကြီးဖြစ်သည့် သမိုင်းဝင်ရန်ကုန်တက္ကသိုလ်ကြီးအား ယခုကဲ့သို့ ပုံဖျက်ရုပ်ပြောင်းပစ်ရန်စီစဉ်ခြင်းသည် အမျိုးသားရေးကို သစ္စာမစောင့်သော လုပ်ရပ်ပင်ဖြစ်သည်။ (၁၉၆၂)ခု ဇူလိုင်လအတွင်းက လွတ်လပ်ရေးသမိုင်းဝင်၊ တက္ကသိုလ်သမိုင်းဝင် တက္ကသိုလ်သမဂ္ဂအဆောက်အဦကြီးကိုမိုင်းခွဲဖြိုဖျက်ခဲ့ပြီး ယ္ခုအခါ သမိုင်းဝင် ရန်ကုန်တက္ကသိုလ်ကြီး တခုလုံးကို တိမ်မြုပ်သွားအောင် ဖန်တီးခြင်းမှာ မြန်မာ့သမိုင်းအစစ်အမှန်များကို မြေမြုပ်ပစ်ရန် ရည်ရွယ်ရင်းဖြစ်သည်။

၉။ ယင်းလုပ်ရပ်ကိုကြည့်လျှင် ရန်ကုန်တက္ကသိုလ်ကို ပြန်လည်မဖွင့်တော့မည့် အရိပ်လက္ခဏာပင် ဖြစ်သည်။ အကယ်၍ တက္ကသိုလ်များ ပြန်လည်ဖွင့်လှစ်လျှင်လည်း ကျောင်းသားများသည် အခြားဝေးလံသောနေရာများသို့ သွားရောက် ကျောင်းတက်ရပါက စရိတ်အလွန်ကြီးမြင့်လှသဖြင့် ကျောင်းသားအများစုအနေဖြင့် ကျောင်းဆက်လက် မတက်ရောက်နိုင်အောင် ပြုလုပ်ခြင်းဖြစ်သည်။ ဤသည်မှာ ပညာတတ်လူတန်းစားမပေါ်ပေါက်အောင် ဟန့်တားခြင်း ဖြစ်သည်။ သို့အတွက် ပညာတတ်ကျောင်းသားထုကို ချိုးနှိမ်သော ဤလုပ်ရပ်ကို ပြင်းထန်စွာ ကန့်ကွက်လိုက်သည်။

ပြည်သူ့လွှတ်တော် ကိုယ်စားပြုကော်မတီ
ရန်ကုန်မြို့ 
(၁၃၆၂)ခုနှစ်၊ နှောင်းတန်ခူးလဆန်း (၄)ရက်
(၂ဝဝဝ)ပြည့်နှစ်၊ ဧပြီလ (၇)ရက်

နောက်ဆက်တွဲ (ဇ)

ပြည့်သူ့လွှတ်တော်ကိုကိုယ်စားပြုသည့် ကော်မတီ
COMMITTEE REPRESENTING PARLIAMENT
အမှတ်(၉၇/ခ) အနောက်ရွှေဂုံတိုင်လမ်း၊ ဗဟန်မြို့နယ်၊ ရန်ကုန်မြို့
ကြေညာချက်အမှတ် - ၁၂ (၄/ဝဝ)

၁။ ပြည်သူ့လွှတ်တော် ကိုယ်စားပြုကော်မတီ၏ အတွင်းရေးမှူးဖြစ်သည့် ဦးအေးသာအောင်အား (၂၄၊ ၄၊ ၂ဝဝဝ)ရက်နေ့ ညနေ (၁၈း၃ဝ)နာရီခန့်တွင် စစ်ထောက်လှမ်းရေးအဖွဲ့ဝင်များက မတရား ဥပဒေမဲ့ အတင်းအဓမ္မဖမ်းဆီးပြီး မသိရသည့်နေရာတခုသို့ခေါ်ဆောင်သွားသည်ဟု သတင်းရသည်။

၂။ (က) ဦးအေးသာအောင်သည် အတွင်းရေးမှူးတာဝန်အပြင် ကိုယ်စားပြုကော်မတီတွင်ပါဝင် သော- ရှမ်းတိုင်းရင်းသားများဒီမိုကရေစီအဖွဲ့ချုပ်၊ ရခိုင်ဒီမိုကရေစီအဖွဲ့ချုပ်၊ မွန်အမျိုးသား ဒီမိုကရေစီအဖွဲ့၊ ဇိုမီးအမျိုးသား ကွန်ဂရက်များဖြစ်သည့် တိုင်းရင်းသားလူမျိုးစုနိုင်ငံရေး ပါတီ များကို ကိုယ်စားပြုသည့် ကိုယ်စားလှယ်လည်းဖြစ်သည်။
(ခ) ၄င်းပြင်အဆိုပါပုဂ္ဂိုလ်သည် ရခိုင်ဒီမိုကရေစီအဖွဲ့ချုပ် နိုင်ငံရေးပါတီ၏ အတွင်းရေးမှူးလည်းဖြစ်သည်။

၃။ ပြည်သူ့လွှတ်တော်ကိုယ်စားပြုကော်မတီတွင်ပါဝင်သည့် ရခိုင်ဒီမိုကရေစီအဖွဲ့ချုပ်၊ မွန်အမျိုးသား ဒီမိုကရေစီအဖွဲ့ချုပ်နှင့် ဇိုမီးအမျိုးသားကွန်ဂရက်တို့မှ ဥက္ကဋ္ဌကြီးများသည် စစ်အာဏာရှင်များက မတရား၊ ဥပဒေမဲ့ဖမ်းဆီးချုပ်နှောင် ထိန်းသိမ်းထားခြင်းကို ခံစားနေကြရဆဲဖြစ်သည်။

၎။ မြန်မာနိုင်ငံကို စစ်မှန်သောပြည်ထောင်စုနိုင်ငံတော်အဖြစ်ဖွဲ့စည်းတည်ဆောက်ရာတွင်တိုင်းရင်းသား လူမျိုးစုအားလုံးနှင့် တိုင်းရင်းသားလူမျိုးစု နိုင်ငံရေးပါတီများ ပူးပေါင်းပါဝင်မှသာ အောင်မြင်ထမြောက် မည်ဖြစ်ပေသည်။

ပြည်သူ့လွှတ်တော်ကိုယ်စားပြုကော်မတီ
ရန်ကုန်မြို့
(၁၃၆၂)ခု၊ တန်ခူးလပြည့်ကျော်(၇)ရက်
(၂ဝဝဝ)ပြည့်နှစ်၊ ဧပြီလ (၂၅)ရက်

No comments:

Post a Comment