ညွန့်ပေါင်းသတင်းလွှာ။ ပုလဲသွယ် နိုင်ငံရေးစာမျက်နှာ။ တင်ပြ-ဆွေးနွေး-ရေးသားချက်များ။ ယမုန်နာ ဆေးခန်း။ ပြည်ထောင်စုအရေး။ ဒေါက်တာတင့်ဆွေ၏ စာများ။ My writings ၁၉၉၀ ရွေးကောက်ပွဲ။

Tuesday, March 3, 2009

မဲဆွယ်စည်းရုံးစဉ်ကာလအတွင်း ပြည်သူ့ လွှတ်တော်ကိုယ်စားလှယ်များ၏ စကားများနှင့် ပေးခဲ့သော ကတိကဝတ်များ

Type your summary here

မဲဆွယ်စည်းရုံးစဉ်ကာလအတွင်း ပြည်သူ့ လွှတ်တော်ကိုယ်စားလှယ်များက ပြည်သူအား ပြောကြားခဲ့သော စကားများနှင့် ပေးခဲ့သော ကတိကဝတ်များ

ခရမ်းမြို့ နယ်၊ မဲဆန္ဒနယ်အမှတ်(၂)မှ ပြည်သူ့လွှတ်တော်ကိုယ်စားလှယ် ဦးတင်မောင်ဝင်း၏ မဲဆွယ်စည်းရုံးစဉ်ကာလက လက်ကမ်းစာစောင်တွင် ပါခဲ့သော အချက်အချို့

• “ပြည်သူလူထု၏ဆန္ဒကို အချုပ်အခြာအဖြစ်ခံယူသည်။”
• ပြည်သူတို့ ၏ ဒီမိုကရေစီရေးနှင့် အခြေခံလူ့ အခွင့်အရေးများအတွက် ဥက္ကဋ္ဌဦးတင်ဦးနှင့် အထွေထွေအတွင်းရေမှူး ဒေါ်အောင်ဆန်းစုကြည်တို့ ဦးဆောင်ချမှတ်ထားသော လမ်းစဉ် အတိုင်း မသွေမဖည် လှုပ်ရှားဆောင်ရွက်လျက်ရှိပါသည်။

ပုဇွန်တော်မြို့နယ် မဲဆန္ဒနယ်အမှတ်မှ ပြည်သူ့လွှတ်တော်ကိုယ်စားလှယ် ဦးနိုင်းနိုင်း၏ မဲဆွယ်စည်းရုံးစဉ်ကာလက
လက်ကမ်းစာစောင်တွင်ပါခဲ့သော အချက်အချို့

• အများ၏ဆန္ဒကိုလေးစားသည်။ လူတစုကချယ်လှယ်သည့် စနစ်ကိုလုံးဝလက်မခံ။ တပါတီစနစ်ထွန်းကားသည့် ကာလတလျှောက်လုံး တပါတီနိုင်ငံရေးစနစ်နှင့်လုံးဝ ပါဝင်ပတ်သက်ခဲ့ခြင်းမရှိ။
• ပြည်သူတို့ လိုလားသော ပြည့်ဝစစ်မှန်သည့် ဒီမိုကရေစီစနစ်ကိုသာ လက်ခံသည်။ အဖွဲ့ချုပ်ဥက္ကဋ္ဌ ဦးတင်ဦးနှင့် အထွေထွေအတွင်းရေမှူး ဒေါ်အောင်ဆန်းစုကြည်တို့  ဦးဆောင်မှုကို အပြည့်အဝခံယူကာ ပြည်သူတို့ ၏ဆန္ဒနှင့်အညီ အခြေခံလူ့ အခွင့်အရေးများကို အာမခံမည့် စစ်မှန်သောဒီမိုကရေစီနိုင်ငံတော်သစ် ထူထောင်နိုင်ရန် အစွမ်းကုန် ဆောင်ရွက်မည်ဟု သန္နိဋ္ဌာန်ချထားပါသည်။
• ဒီမိုကရေစီရေး မုချအောင်ရမည်။

ပဲခူးမြို့နယ် မဲဆန္ဒနယ်အမှတ်(၁)မှ ပြည်သူ့လွှတ်တော်ကိုယ်စားလှယ် ဦးစိုးဝင်း၏ မဲဆွယ်စည်းရုံးစဉ်ကာလက
လက်ကမ်းစာစောင်တွင်ပါခဲ့သော အချက်အချို့

• မြေပေါ်မြေအောက်ရှိတဲ့သယံဇာတပစ္စည်းများဟာ ကျနော်တို့အတွက် အလွန်ကံကောင်းတယ်ဆိုတဲ့ အဓိပ္ပါယ်ရှိပါတယ်။ အလားတူ ဘယ်တော့မှသုံးစွဲ၍ကုန်ခန်းခြင်းလည်းမရှိ၊ သုံး လေလေ အစွမ်းထက်လေလေဖြစ်တဲ့ သန်း(၄ဝ)မျှသော မြန်မာပြည်သူ ပြည်သားအပေါင်းတို့ ၏ ပင်ကိုယ်တီထွင်နိုင်သော စွမ်းရည်တည်းဟူသည့် သယံဇာတပစ္စည်းများလည်း ရှိပါသေး တယ်။ ဒီစွမ်းရည်ကို ဆွဲဆောင်နည်းအမျိုးမျိုးဖြင့် အားပေးမြှင့်တင်ထုတ်ဖေါ် အသုံးပြုနိုင်ရန် အတွက် (ဒီမိုကရေစီစနစ်အသက်ဝင်လှုပ်ရှားဖို့ အမြန်လိုအပ်နေပါပြီ)လို့ အမျိုးသား ဒီမိုကရေစီအဖွဲ့ချုပ်က ယုံကြည်ပါတယ်။
• ပြည်သူအားလုံး၏ ပူးပေါင်းဆောင်ရွက်မှုကို ရရှိနိုင်ခြင်းအားဖြင့် ရည်ရွယ်ချက်များ ထမြောက် အောင်မြင်လိမ့်မယ်လို့ ယုံကြည်ပါတယ်။

မင်္ဂလာဒုံမြို့နယ် မဲဆန္ဒနယ်အမှတ်(၁)မှ ပြည်သူ့လွှတ်တော်ကိုယ်စားလှယ် ဦးကြည်ဝင်း၏ မဲဆွယ်စည်းရုံးစဉ်ကာလက လက်ကမ်းစာစောင်တွင် ပါခဲ့သော အချက်အချို့

“မည်သို့ပင်ဖြစ်စေ -
• ပြည်သူ့လွှတ်တော်ကိုယ်စားလှယ်ဆိုသည်မှာ မိမိတိုင်းပြည်အကျိုး၊ တိုင်းရင်းသား လူမျိုး များ၏အကျိုးကို စဉ်ဆက်မပြတ် သစ္စာရှိစွာ တာဝန်ထမ်းဆောင်နေရမယ် လို့ခံယူပါတယ်။”

“ဒီမိုကရေစီစနစ်မှာ အမတ်လုပ်ချင်တဲ့သူတွေဟာအပင်ပန်း အဆင်းရဲခံနိုင်ရမယ်။ အစွမ်းကုန် အလုပ် လုပ်နိုင်ရမယ်။ ကိုယ်ကျိုးမငဲ့ပဲ အများအကျိုးကို ပီပီပြင်ပြင်ကျေကျေပွန်ပွန်ထမ်းဆောင် နိုင်ရမယ်။”

- ဒေါ်အောင်ဆန်းစုကြည် -

ရန်ကင်းမြို့နယ်မှ ပြည်သူ့လွှတ်တော်ကိုယ်စားလှယ် ဒေါ်အေးမြင့်၏ မဲဆွယ်စည်းရုံးစဉ်ကာလ လက်ကမ်းစာစောင်တွင် ပါဝင်ခဲ့သော အချက်အချို့

ကျမကို မဲမပေးမီ ဒါတွေကို မဲဆန္ဒရှင်များ စဉ်းစားစေချင်ပါသည်။

၁) မဲဆန္ဒရှင်များ ပင်ပန်ကြီးစွာ တရားသဖြင့် ရှာဖွေစုစောင်းထားတဲ့ ငွေတွေကို တရား မဝင်ဖြစ်မှာကို စိုးရိမ်ပူပန်နေသလား။
၂) သင့်သားသမီးတွေ ပညာစုံလာတဲ့အခါ အကပ်ရှိပြီး အကောင်သိမှ အလုပ်ရမှာကို ပူပန်နေသလား။
၃) မွေးရာပါလူ့အခွင့်အရေးဆုံးရှုံးလို့ ခိုင်းတာလုပ်၊ ပြောတာခေါင်းညိတ်ခဲ့တဲ့ခေတ်ကြီး ပြန်ရောက်မှာ စိုးရိမ်နေသလား။
၎) သင့်ကျန်းမာရေးအတွက် ဆေးဝါးကိရိယာပစ္စည်းမလွယ်လို့ စိတ်ပူပန်သောကရောက် နေသလား။
၅) လုပ်ခ၊ လစာ၊ ဝင်ငွေနဲ့ ကုန်ဈေးနှုန်းမမျှလို့ သင့်မှာ ငါးပါးသီလမမြဲမှာကို စိုးရိမ်နေသလား။
၆) အမျိုးသားနိုင်ငံရေးနဲ့ပတ်သတ်လို့ တလုံးတစည်းထဲသောသမဂ္ဂများ ဖွဲ့စည်းခွင့်မရမှာကို စိုးရိမ်နေသလား။
၇) တရားရေးမဏ္ဍိုင်မှာ ငွေနဲ့အာဏာက ချုပ်ကိုင်ကြီးစိုးချယ်လှယ်တဲ့ခေတ်ကို ပြန်ရောက် မှာစိုးရိမ်နေသလား။
၈) ပြည်တွင်းငြိမ်းချမ်းရေး မရှိလို့ တိုင်းရင်းသားညီအစ်ကိုအချင်းချင်း တိုက်ခိုက်နေရပြီး မိကွဲ၊ ဖကွဲ၊ လင်သေ၊ သားပစ်၊ သောကကြုံရတဲ့ ခေတ်ဆိုးကြီးကိုကြုံတွေ့ရမှာ စိုးရိမ်နေသလား။
၉) အသွင်ကဏ္ဍာန်သာရှိပြီး အနှစ်သာရမရှိတဲ့ အခွင့်အရေးအတုအယောင်တွေကြောင့် အလုပ်သမား နဲ့လယ်သမားတွေဟာ ဖွတ်ကျောပြာစု၊ ခရုအဆံကျွတ်၊ ငှက်တောင်ပံ ကျွတ်ဘဝက ရုန်းမထွက် နိုင်မှာ စိုးရိမ်နေသလား။
၁ဝ) သင့်ရဲ့မျိုးဆက်တွေဟာ မတရားတဲ့ ဖိနှိပ်ချုပ်ချယ်မှုတွေနဲ့ ကြုံတွေ့လာတဲ့အခါ ဥပဒေ ဘောင်ထဲက ဒီမိုကရေစီနည်းကျကျ တောင်းဆိုခွင့်မရှိမှာကို ပူပန်နေသလား။

အဲဒီစိုးရိမ်ပူပန်သောကရောက်စရာမရှိတဲ့ ဒီမိုကရေစီပြည်ထောင်စုသစ်ကို တည်ဆောက်ချင်ရင် အမျိုးသား ဒီမိုကရေစီ အဖွဲ့ချုပ်(ခမောက်)ကိုသာ ရဲရဲဝံ့ဝံ့မဲပေးလိုက်ကြပါ။

နိုင်ငံရေးခံယူမှုနှင့်သဘောထား
မြန်မာနိုင်ငံအား လွတ်လပ်၍ တရားမျှတသော နိုင်ငံတော်အဖြစ် ငြိ်မ်းချမ်းသောနည်းဖြင့် အမြန်ဆုံး ရောက်ရှိလိုပြီး ပြည်သူလူထု၏ဆန္ဒကို လေးစား၍ လူ့အခွင့်အရေးကို တန်ဖိုးထားသော အစိုးရအဖွဲ့မျိုးဖြင့်သာ မြန်မာနိုင်ငံသည် ဘက်ပေါင်းစုံမှ တိုးတက်လာလိမ့်မည်ဟု ယုံကြည်ပါသည်။ ဥက္ကဋ္ဌကြီး ဦးတင်ဦး၊ အထွေထွေ အတွင်းရေးမှူး ဒေါ်အောင်ဆန်းစုကြည်နှင့်တကွ ဖမ်းဆီးထိန်းသိမ်းခံ နိုင်ငံရေးအကျဉ်းသားများ လွတ်မြောက်ရေးကို အစဉ်အရေးထား၍ ခမောက်(သို့) အမျိုးသားဒီမိုကရေ စီအဖွဲ့ချုပ်၏ ရွေးကောက်ပွဲ အောင်နိုင်ရေးသည် အမျိုးသားရေး အသွင်လက္ခဏာဆောင်သော အောင် မြင်မှုများ၏ မှတ်တိုင်ကြီးတခုအဖြစ် ယုံကြည်ပါသည်။ သို့ဖြစ်၍ ရန်ကင်းမြို့နယ် ကိုယ်စား ကျရာတာဝန်ကို ဦးလည်မသုန်ထမ်းဆောင်မည့်အကြောင်း ကတိသစ္စာပြုအပ်ပါသည်။

လေးစားစွာဖြင့်
- ဒေါ်ခင်အေးမြင့် -

မင်္ဂလာဒုံမြို့နယ် မဲဆန္ဒအမှတ်(၂)မှ ပြည်သူ့လွှတ်တော်ကိုယ်စားလှယ် ဦးတင်ထွန်းမောင်၏ မဲဆွယ်စည်းရုံးစဉ်ကာလက
လက်ကမ်းစာစောင်တွင် ပါခဲ့သော အချက်အချို့

• မြန်မာပြည်သူများ၏စွမ်းပကားကို အပြည်အဝအသုံးချခွင့်ပေးမည့် ဒီမိုကရေစီစနစ်ဖြင့်သာ မြန်မာနိုင်ငံကို ပြည်လည်ထူထောင်နိုင်မည်။ ဒီမိုကရေစီစနစ်သာလျှင် မြန်မာနိုင်ငံ၏ လူနေမှု ဘဝနှင့် အကိုက်ညီဆုံးဖြစ်သည်။
• အခြေခံလူ့အခွင့်အရေးများ အပြည့်အဝရှိသည့် ဒီမိုကရေစီစနစ်သာလျှင် ပြည်သူများ စိတ် ချမ်းသာမှုကို ရရှိစေနိုင်မည်ဖြစ်သည်။
• ထို့ကြောင့် ဒီမိုကရေစီစနစ်ဖြစ်ထွန်းတည်တံ့ရေးတာဝန်မှာ တမျိုးသားလုံးနှင့်သက်ဆိုင်သည့် အမျိုးသားရေး တာဝန်ဖြစ်သည်။ ထိုတာဝန်ကိုထမ်းဆောင်ခြင်းသည်အမျိုးသား နိုင်ငံရေးကို ဆောင်ရွက်ခြင်းဖြစ်ပါသည်။

“ဒီမိုကရေစီစနစ်မှာ အမတ်လုပ်ချင်တဲ့သူတွေဟာအပင်ပန်း အဆင်းရဲခံနိုင်ရမယ်။ အစွမ်းကုန် အလုပ် လုပ်နိုင်ရမယ်။ ကိုယ်ကျိုးမငဲ့ပဲ အများအကျိုးကို ပီပီပြင်ပြင်ကျေကျေပွန်ပွန်ထမ်းဆောင် နိုင်ရမယ်။”
- ဒေါ်အောင်ဆန်းစုကြည် -

ကွမ်းခြံကုန်းမြို့နယ်မှ ပြည်သူ့လွှတ်တော်ကိုယ်စားလှယ်ဦးယုဂန်၏ မဲဆွယ်စည်းရုံးစဉ်ကာလက လက်ကမ်းစာစောင်တွင်ပါခဲ့သောအချက်အချို့

• ကျနော် ယုဂန်အနေဖြင့် ပါတီစုံဒီမိုကရေစီစနစ်ဖြင့်သာလျှင် နိုင်ငံတော်အတွက် အမွန် မြတ်ဆုံး၊ အကောင်းဆုံး၊ တရားအမျှတဆုံးသော အုပ်ချုပ်မှုစနစ်ဖြစ်ကြောင်း အလေးအနက် ယုံကြည်ပါသောကြောင့် အင်အားပြည့် ပါဝင် ဆောင်ရွက်မည်ဟု အဓိဋ္ဌာန်ပြုပါသည်။

ကျောက်တံတားမြို့နယ်မှ ပြည်သူ့လွှတ်တော်ကိုယ်စားလှယ် ဦးတင်စိုး၏ ကျေးဇူးတင်လွှာ လက်ကမ်းစာစောင်တွင် ပါဝင်ခဲ့သောအချက်အချို့
• အမျိုးသားဒီမိုကရေစီအဖွဲ့ချုပ်အနေဖြင့်လည်းကောင်း၊ ကျောက်တံတားမြို့နယ် ပြည်သူ့လွှတ်တော် ကိုယ်စားလှယ်တဦးအနေဖြင့်သော်လည်းကောင်း၊ မဲဆန္ဒရှင် မိဘပြည်သူများ လို လားတောင့်တလျက်ရှိသော ဒီမိုကရေစီနိုင်ငံတော်သစ် ပြန်လည်ထူထောင်ရေးအတွက် ကိုယ်စွမ်းရှိသမျှ၊ ဉာဏ်စွမ်းရှိသမျှဖြင့် စွမ်းစွမ်းတမံ ပြည်သူ့အကျိုး၊ တိုင်းပြည်အကျိုးကို သည်ပိုးထမ်းဆောင်သွားမည်ဖြစ်ကြောင်း ကတိသစ္စာပြုပါသည်။
• ပြည်သူ့ဆန္ဒနှင့် ဆန့်ကျင်မှုမရှိစေဘဲ အမျိုးသားနိုင်ငံရေးအဖြစ် ခံယူလုပ်ဆောင်၍ အမျိုး သားဒီမိုကရေစီအဖွဲ့ချုပ် ဦးဆောင်မှုဖြင့် အမျိုးသားဒီမိုကရေစီအဖွဲ့ချုပ်၏ တနိုင်ငံလုံးမှ ပြည်သူ့ကိုယ်စားလှယ်များနှင့်အတူ မဲဆန္ဒရှင် ပြည်သူလူထုကို အစဉ်လေးစား ဦးထ်ိပ်ထား၍ “ပြည်သူသာလျှင်အမိ၊ ပြည်သူသာလျှင်အဖ”ခံယူချက်ဖြင့် လုပ်ဆောင်သွားမည်ဖြစ်ကြောင်း လေးနက်စွာဆန္ဒပြုပါတယ်။

မင်္ဂလာတောင်ညွန့်မြို့နယ်မဲဆန္ဒနယ်အမှတ်၁မှပြည်သူ့လွှတ်တော်ကိုယ်စားလှယ် ဒေါက်တာအောင်ခင်ဆင့်၏ ကျေးဇူး တင်လွှာ လက်ကမ်းစာစောင်တွင်ပါခဲ့သော အချက်အချို့

အမျိုးသားဒီမိုကရေစီအဖွဲ့ချုပ် အပြတ်အသတ် အောင်မြင်လိုက်ခြင်းမှာ -
ညီညွတ်ခြင်းဖြင့် ပြည်သူတို့အောင်ပွဲဟု မှတ်တမ်းတင် ဂုဏ်ပြုလိုက်ရပါသည်။

ညီညွတ်ခြင်းသည် အင်အားပါခင်ဗျား။

No comments:

Post a Comment