ညွန့်ပေါင်းသတင်းလွှာ။ ပုလဲသွယ် နိုင်ငံရေးစာမျက်နှာ။ တင်ပြ-ဆွေးနွေး-ရေးသားချက်များ။ ယမုန်နာ ဆေးခန်း။ ပြည်ထောင်စုအရေး။ ဒေါက်တာတင့်ဆွေ၏ စာများ။ My writings ၁၉၉၀ ရွေးကောက်ပွဲ။

Tuesday, March 3, 2009

ဦးအောင်ရွှေမှ ဗိုလ်ချုပ်မှူးကြီးသန်းရွှေထံသို့ ပေးစာများ

နောက်ဆက်တွဲ(ဃ)
အမျိုးသားဒီမိုကရေစီအဖွဲ့ချုပ် ဥက္ကဋ္ဌဦးအောင်ရွှေမှ နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့နှင့် နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီဥက္ကဋ္ဌဗိုလ်ချုပ်မှူးကြီးသန်းရွှေထံသို့ ပေးစာများ

ပြည့်သူ့လွှတ်တော်ကိုကိုယ်စားပြုသည့် ကော်မတီ
COMMITTEE REPRESENTING PARLIAMENT
အမှတ်(၉၇/ခ) အနောက်ရွှေဂုံတိုင်လမ်း၊ ဗဟန်မြို့နယ်၊ ရန်ကုန်မြို့

ကြေညာချက် အမှတ်(၄/၉၈)

၁) Mandate ဟူသော စကားလုံးတွင် နိုင်ငံရေးအနှစ်သာရအားဖြင့် အဓိပ္ပါယ်(၂) မျိုးရှိပါသည်။ ပထမတမျိုးမှာ လက်တင်ဘာသာစကား MANDARE မှ ဆင်းသက်ပြီး “အထက်အရာရှိက လက်အောက်ငယ်သားအား မည်သို့လုပ်ဆောင်ရမည်ဟုစေခိုင်းသည့်အမိန့်” (a command from a supreior to a subordinate ordering him how to act) ဟု အဓိပ္ပါယ်ရပါသည်။ ဒုတိယတမျိုးမှာ ပြင်သစ်ဘာသာစကား MANDAT မှ ဆင်းသက်ပြီး “ပါတီတခု သို့မဟုတ် ခေါင်းဆောင်တဦးအားမဲဆန္ဒရှင်များက တရားဝင်ခွင့်ပြုလိုက်သည်ဟုယူဆရမည့်ရွေးကောက် ပွဲတခုတွင်အဆုံးအဖြတ်ပေးသော ရလဒ်ကြောင့် ကြေညာထားသောပေါ်လစီများနှင့်အညီ အုပ်ချုပ်ခွင့်ပြုခြင်း” (permission to govern according to declared policies, regarded as officially granted by an electorate to a particular party or leader upon a decisive outcome of an election ) ဟု အဓိပ္ပါယ်ရပါသည်။
၂) ဤ ဒုတိယအဓိပ္ပါယ်ကြောင့် ပါတီစုံဒီမိုကရေစီ အထွေထွေ ရွေးကောက်ပွဲတွင် အများစု (ေ တသမုငညါာသြေမငအပ) ရရှိထားသည့်နိုင်ငံရေးပါတီအား မိမိတို့ကြေညာထားသော ဝါဒသဘော ထားများကို အကောင်အထည်ဖေါ်ဆောင်ရန် မဲဆန္ဒရှင်ပြည်သူလူထုက ခွင့်ပြုခြင်းဟု ဆိုပါသည်။
၃) မြန်မာနိုင်ငံတွင် မြန်မာ့ဆိုရှယ်လစ်လမ်းစဉ်ခေတ် တလျှောက်လုံးတွင် Mandate အယူအဆအရ ပြည်သူ့လွှတ်တော်ကိုယ်စားလှယ်များသည် လမ်းစဉ်ပါတီကို ကိုယ်စားပြုလျက် ရွေးကောက်ပွဲဝင်ကြရပြီး လမ်းစဉ်ပါတီ၏ ဝါဒလမ်းစဉ်နှင့်အညီသာ ပြည်သူ့လွှတ်တော်တွင် ရပ်တည်ဆောင်ရွက်ကြရပါသည်။ လမ်းစဉ်ပါတီက မလိုလားတော့လျှင် ပြည်သူ့လွှတ်တော် မှလည်း နှုတ်ထွက်ပေးကြရပါသည်။
၎) ထို့ကြောင့် ရွေးကောက်ပွဲမကျင်းပမီ နိုင်ငံရေးပါတီအဖွဲ့အစည်းများက မဲဆန္ဒရှင်ပြည်သူ လူထုအားပေးခဲ့သည့် ကတိများကို ပြည်သူ့လွှတ်တော်တွင်အကောင်အထည်ဖေါ်ရန် တာဝန် ရှိမှုသည် Mandate ဆိုင်ရာအယူအဆပင် ဖြစ်ပါသည်။
၅) အမျိုးသားဒီမိုကရေစီအဖွဲ့ချုပ်သည် (၁၉၉ဝ)ပြည့်နှစ် ရွေးကောက်ပွဲတွင် စစ်အုပ်ချုပ်ရေးကို ဖယ်ရှားပြီး၊ ဒီမိုကရေစီနိုင်ငံထူထောင်ရေးအတွက် အဓိကကြွေးကြော်လျက် ဝင်ရောက် ယှဉ်ပြိုင်ခဲ့ခြင်းဖြစ်ပါသည်။ မဲဆန္ဒနယ် စုစုပေါင်း (၄၈၅)နယ် ရှိသည့်အနက် အမျိုးသား ဒီမိုကရေစီအဖွဲ့ချုပ်ကို ကိုယ်စားပြုသည့် ပြည်သူ့လွှတ်တော် ကိုယ်စားလှယ် (၃၉၂)ဦး ရွေးကောက်တင်မြှောက်ခြင်း ခံခဲ့ရပါသည်။ ဤပြည်သူ့လွှတ်တော်ကိုယ်စားလှယ်များသည် အမျိုးသားဒီမိုကရေစီအဖွဲ့ချုပ်၏ ဝါဒလမ်းစဉ်များအတိုင်း ရပ်တည်ကြရမည်ဖြစ်သည့်အပြင် ယင်းဝါဒ လမ်းစဉ်များကို ထောက်ခံလျက်ရှိကြသည်သာမက ထိုသို့ထောက်ခံကြောင်းနှင့် အကြောင်းအမျိုးမျိုးကြောင့် မိမိတို့ကိုယ်တိုင် တက်ရောက် ထောက်ခံခြင်းမပြုနိုင်သည့်အခါ အဖွဲ့ချုပ်ဗဟိုအလုပ်အမှုဆောင်အဖွဲ့သို့ကိုယ်စားဆောင်ရွက်ရန် ပေးအပ်ထားသည့် အခွင့် အာဏာကို လက်မှတ်ရေးထိုး ပေးအပ်ထားကြပါသည်။
၆) ထို့ကြောင့် အဖွဲ့ချုပ်ဗဟိုအလုပ်အမှုဆောင်အဖွဲ့က နိုင်ငံတော်အေးချမ်းသာယာရေးနှင့် ဖွံ့ဖြိုး ရေးကောင်စီထံ လွှတ်တော်ခေါ်ယူပေးရန် တောင်းဆိုခဲ့ခြင်းများသည် မိမိတို့အား ပြည်သူ လူထုက ပေးအပ်ထားသည့် Mandate ကို အခြေခံ၍လည်းကောင်း၊ ပြည်သူ့လွှတ်တော် ကိုယ်စားလှယ်များက ကိုယ်စားဆောင်ရွက်ရန်ပေးအပ်ထားသည့် အခွင့်အာဏာကို အခြေခံ၍လည်းကောင်း တောင်းဆိုခဲ့ခြင်းများဖြစ်ပါသည်။ ယနေ့ထက်တိုင် ဥပဒေအဖြစ် တရားဝင် တည်ရှိနေသော (၁၉၇၄)ခုနှစ် ပြည်သူ့လွှတ်တော်ဆိုင်ရာ ဥပဒေပုဒ်မ(၄၇)တွင် “နိုင်ငံတော်ကောင်စီသည် လွှတ်တော်ကိုယ်စားလှယ်အားလုံး၏ (၃၄%)ကတောင်းဆိုခဲ့လျှင် လွှတ်တော် အစည်းအဝေးကို အမြန်ဆုံး ခေါ်ယူကျင်းပပေးရမည်။” ဟူ၍ပြဋ္ဌာန်းထားချက်ကို အာဏာပိုင်များက ဖောက်ဖျက်ရာရောက်နေပါသည်။ အဖွဲ့ချုပ်လက်ဝယ်တွင်ရှိသော ပြည်သူ့လွှတ်တော်ကိုယ်စားလှယ်(၂၅၁)ဦးက ကိုယ်စားဆောင်ရွက်ရန်ပေးအပ်ထားသော အခွင့်အာဏာသည် (၃၄%)ထက် များနေပါသည်။
၇) သို့ပါ၍ အာဏာပိုင်များက ဥပဒေကို မလေးစား မလိုက်နာသဖြင့်သာ အမျိုးသားဒီမိုကရေစီ အဖွဲ့ချုပ်သည် ပြည်သူ့လွှတ်တော်ကိုခေါ်ယူဖွဲ့စည်းရန် ဆောင်ရွက်ရခြင်းဖြစ်ပါသည်။ ထို့ ကြောင့် ဖြစ်ပေါ်လာမည့် အကျိုးဆက် အားလုံးအတွက် ဥပဒေနှင့်အညီ ဆောင်ရွက်ရန် ပျက်ကွက်သည့် နိုင်ငံတော်အေးချမ်းသာယာရေးနှင့် ဖွံ့ဖြိုးရေး ကောင်စီတွင်သာ လုံးဝတာဝန် ရှိကြောင်း ပြည်သူလူထုအား ထပ်လောင်း၍တင်ပြအပ်ပါသည်။


ပြည်သူ့လွှတ်တော်ကိုယ်စားပြုကော်မတီ
ရန်ကုန်မြို့
(၁၃၆ဝ)ပြည့်နှစ် သီတင်းကျွတ်လဆုတ် (၈)ရက်
(၁၉၉၈)ခုနှစ် အောက်တိုဘာလ (၁၃)ရက်

1 comment:

  1. ကျနော် စိတ်ထဲမှာတော့ အမေစုကိုကြည့် ပြိ ငိုချင်တာပဲသိတယ်
    သူကိုကြည့် လိုက်ရင်မြန်မာ လူမျိုး
    တွေအတွက်လုပ်နေတဲ့ အမေစု
    သူနဲ့ ဘယ်လိုမှမတန်တဲ့ နေရာမှာနေ နေရတယ် သူအဖေသိရင်ဂုဏ်ယူနေမှာတော့သေချာတယ်
    သားတို့ နိုင်ငံ ဘယ်တော့လဲ................အမေ
    သားတော့ဒီလူတွေကိုစိတ်မရှေတော့ဘူး

    ReplyDelete