ညွန့်ပေါင်းသတင်းလွှာ။ ပုလဲသွယ် နိုင်ငံရေးစာမျက်နှာ။ တင်ပြ-ဆွေးနွေး-ရေးသားချက်များ။ ယမုန်နာ ဆေးခန်း။ ပြည်ထောင်စုအရေး။ ဒေါက်တာတင့်ဆွေ၏ စာများ။ My writings ၁၉၉၀ ရွေးကောက်ပွဲ။

Sunday, March 1, 2009

၁၉၉ဝ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲအကြောင်း သိကောင်းစရာများ

• ၁၉၉ဝ ပြည့်နှစ် ရွေးကောက်ပွဲ၏ ထူးခြားချက်များ
• ၁၉၉ဝ ပြည့်နှစ် ရွေးကောက်ပွဲ မတိုင်မီဖွဲ့ စည်းခဲ့ကြသောနိုင်ငံရေးပါတီများ
• ပြည်နယ်နှင့်တိုင်းအလိုက်ရွေးကောက်ပွဲအခြေအနေ
• ရွေးကောက်ပွဲဆိုင်ရာကိန်းဂဏန်းများ
• ရွေးချယ်တင်မြှောက်ခြင်းခံခဲ့ရသည့် အမျိုးသမီးပြည်သူ့ လွှတ်တော်ကိုယ်စားလှယ်များ
• (၂ဝဝ၃ခုနှစ် မေလ ၂၇ ရက်နေ့ အထိ) ဖမ်းဆီးထိန်းသိမ်းခံနေရဆဲ ပြည်သူ့ လွှတ်တော် ကိုယ်စားလှယ်များ
• (၂ဝဝ၃ခုနှစ် မေလ ၂၇ ရက်နေ့ အထိ) ပြည်ပရောက်ရှိနေကြသော ပြည်သူ့ လွှတ်တော် ကိုယ်စားလှယ်များ
• ကမ္ဘာ့ကုလသမဂ္ဂ အထွေထွေညီလာခံ၏ ဆုံးဖြတ်ချက်များမှ ၁၉၉ဝ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲရလဒ်နှင့် ပတ်သက်သည့် ကောက်နုတ်ချက်များ

၁၉၉ဝ ပြည့်နှစ်ပါတီစုံဒီမိုကရေစီအထွေထွေရွေးကောက်ပွဲမှထူးခြားချက်များ
• နဝတသည် အာဏာသိမ်းအပြီး (၉)ရက်အကြာ ၁၉၈၈ ခုနှစ်၊ စက်တင်ဘာလ (၂၇) ရက် နေ့တွင် “နိုင်ငံရေးပါတီများ မှတ်ပုံတင်ခြင်း ဥပဒေ”(နဝတ ဥပဒေအမှတ် - ၄၈၈) ကိုလည်းကောင်း၊ ၁၉၈၉ ခုနှစ်၊ မေလ (၃၁)ရက်နေ့တွင် “ပြည်သူ့လွှတ်တော်ရွေးကောက်ပွဲဥပဒေ”(နဝတ ဥပဒေအမှတ် - ၁၄၈၉) ကိုလည်းကောင်း ပြဌာန်းခဲ့သည်၊
• ရွေးကောက်ပွဲတွင် ဝင်ရောက်ယှဉ်ပြိုင်လိုသော နိုင်ငံရေးပါတီအဖွဲ့ အစည်းများက ၁၉၈၈ ခုနှစ်၊ စက်တင်ဘာလ (၃ဝ) ရက်နေ့မှ ၁၉၈၉ ခုနှစ်၊ ဖေဖေါ်ဝါရီလ (၂၈) ရက်နေ့အထိ (၅)လခန့် အတွင်း ပါတီစုံဒီမိုကရေစီအထွေထွေ ရွေးကောက်ပွဲကျင်းပရေးကော်မရှင်တွင် မှတ်ပုံတင်ခဲ့ကြရာ နိုင်ငံရေး ပါတီအဖွဲ့ အစည်းပေါင်း (၂၃၅) ဖွဲ့ ရှိခဲ့သည်၊
• ယင်းသို့မှတ်ပုံတင်ထားသည့် နိုင်ငံရေးပါတီအဖွဲ့ အစည်းပေါင်း (၂၃၅) ဖွဲ့ အနက် (၉၃)ဖွဲ့ သာ ၁၉၉ဝ ပြည့်နှစ်၊ ပါတီစုံဒီမိုကရေစီ အထွေထွေရွေးကောက်ပွဲ့ ဝင်ရောက်ယှဉ်ပြိုင်ခဲ့ကြသည်၊
• ယခုအခါ နိုင်ငံရေးပါတီအဖွဲ့  အစည်း (၁ဝ)ခုသာ တရားဝင်ရပ်တည်ခွင့် ရှိတော့သည်၊
• ရွေးကောက်ပွဲကို ၁၉၉ဝ ပြည့်နှစ်၊ မေလ (၂၇) ရက် (၁၃၅၂ ခုနှစ်၊ နယုန်လဆန်း ၄ ရက်) တနင်္ဂနွေနေ့ တပြည်လုံးတပြိုင်နက် နံနက် (၆) နာရီမှ ညနေ (၄) နာရီအတွင်းကျင်းပခဲ့သည်၊
• မူလကရွေးကောက်ပွဲကျင်းပရန်မဲဆန္ဒနယ် (၄၉၂) နယ်သတ်မှတ်ခဲ့သော်လည်း ရှမ်းပြည်နယ်မှ ကုန်းကြမ်းမြို့နယ် ပြည်သူ့လွှတ်တော်မဲဆန္ဒနယ်၊ နားဖန်းမြို့နယ် ပြည်သူ့လွှတ်တော် မဲဆန္ဒနယ်၊ ပန်ဝိုင်းမြို့နယ် ပြည်သူ့လွှတ်တော်မဲဆန္ဒနယ်၊ ပန်ယန်းမြို့နယ် ပြည်သူ့လွှတ်တော် မဲဆန္ဒနယ်၊ မိုင်းမောမြို့နယ် ပြည်သူ့လွှတ်တော် မဲဆန္ဒနယ်၊ မန်ဖန့် (သံလျင်) မြို့နယ်ပြည်သူ့ လွှတ်တော် မဲဆန္ဒနယ်နှင့် ကချင်ပြည်နယ်မှ အင်ဂျန်းယန်မြို့နယ် ပြည်သူ့လွှတ်တော် မဲဆန္ဒနယ်တို့တွင် ရွေးကောက်ပွဲလုပ်ငန်းများ အချိန်မီဆောင်ရွက်ရန် အခက်အခဲရှိသည်ဟုဆိုကာ မဲဆန္ဒနယ် (၄၈၅) နယ်တွင်သာ ရွေးကောက်ပွဲများကျင်းပနိုင်ခဲ့သည်၊
• ရှမ်းတိုင်းရင်းသားများ ဒီမိုကရေစီအဖွဲ့ ချုပ်မှ ရှမ်းပြည်နယ်မြောက်ပိုင်း၊ မူစယ်မြို့နယ် မဲဆန္ဒနယ် အမှတ် (၁) တွင် ရွေးကောက်တင်မြှောက်ခြင်းခံခဲ့ရသူ စိုင်းလှဖေသည် မြန်မာတပြည်လုံးတွင် ပြည်သူလူထုထောက်ခံမဲ ၉၁့၄၅ ရာခိုင်နှုန်းဖြင့် မဲရရှိမှုရာခိုင်နှုန်း အမြင့်ဆုံး စံချိန်တင်ခဲ့သည်၊
• မကွေးတိုင်းနှင့် တနင်္သာရီတိုင်းတို့တွင် တိုင်းလုံးကြွတ်အမျိုးသားဒီမိုကရေစီအဖွဲ့ ချုပ်တခုတည်း မှ လွှတ်တော်ကိုယ်စားလှယ်လောင်းများက လုံးလုံးလျားလျားအနိုင်ရရှိခဲ့သည်၊
• ရန်ကုန်တိုင်း၊ ခရမ်းမြို့နယ် မဲဆန္ဒနယ်အမှတ် (၂) တွင် ၁၉၉၁ ခုနှစ်၊ ဇန်နဝါရီလ (၁၈) ရက် နေ့ က အင်းစိန်ထောင်အတွင်းအကျဉ်းသားဘဝဖြင့် ကွယ်လွန်သွားခဲ့သူဦးတင်မောင်ဝင်းက အမျိုးသား ဒီမိုကရေစီအဖွဲ့ ချုပ်ကို ကိုယ်စားပြုဝင်ရောက်ယှဉ်ပြိုင်ရာ အစ်ကိုအရင်းဖြစ်သူ တိုင်းရင်းသား စည်းလုံးညီညွတ်ရေးပါတီ (တစည) ကိုယ်စားလှယ်လောင်း ဦးဇော်ဝင်း (နိုင်ငံတော် ကောင်စီဝင်ဟောင်း၊ ဗိုလ်မှူးကြီးဇော်ဝင်း) ကိုအနိုင်ရခဲ့သည်၊
• ရှမ်းပြည်နယ် မြောက်ပိုင်း သီပေါမြို့နယ် မဲဆန္ဒနယ်အမှတ် (၂) မှရွေးကောက် တင်မြှောက်ခြင်း ခံရသော အမျိုးသားဒီမိုကရေစီအဖွဲ့ ချုပ် ကိုယ်စားပြုပြည်သူ့လွှတ်တော် ကိုယ်စားလှယ် စိုင်းအောင်သန်းနှင့် ရှမ်းပြည်နယ် မြောက်ပိုင်း မိုင်းရယ်မြို့နယ် မဲဆန္ဒနယ်မှ ရွေးကောက် တင်မြှောက်ခြင်းခံရသော ရှမ်းတိုင်းရင်းသားများ ဒီမိုကရေစီအဖွဲ့ချုပ် ကိုယ်စားပြု ပြည်သူ့လွှတ်တော် ကိုယ်စားလှယ် ဦးလှဒင်တို့မှာ သားအဖအရင်းများ ဖြစ်ကြသည်၊
• စည်းရုံးရေး ခက်ခဲ ကျယ်ပြန့်လှသော နယ်မြေများဖြစ်သည့် လွိုင်လင်ခရိုင်(၁၁)နေရာလုံးတွင် ရှမ်းတိုင်းရင်းသားများ ဒီမိုကရေစီအဖွဲ့ ချုပ်က ရာနှုန်းပြည့်အနိုင်ရရှိခဲ့သည်၊
• ၁၉၉ဝ ပြည်နှစ်၊ ပါတီစုံဒီမိုကရေစီအထွေထွေရွေးကောက်ပွဲတွင် ရွေးချယ်တင်မြှောက်ခြင်းခံခဲ့ ရသည့် အမျိုးသမီးပြည်သူ့လွှတ်တော်ကိုယ်စားလှယ်များ အားလုံးသည် အမျိုးသားဒီမိုကရေစီအဖွဲ့  ချုပ်မှဖြစ်ကြသည်၊
• ၁၉၉ဝ ပြည့်နှစ် ပါတီစုံဒီမိုကရေစီအထွေထွေရွေးကောက်ပွဲသည် မြန်မာ့သမိုင်းတွင် ပါတီအရေ အတွက်အများဆုံး ရွေးကောက်ပွဲဝင်ခဲ့သည့် ရွေးကောက်ပွဲလည်းဖြစ်သည်၊
• ကမ္ဘာ့သမိုင်းတွင်လည်း ရွေးကောက်ပွဲပြီးသော်လည်း လွှတ်တော်ခေါ်ယူရသေးခြင်း မရှိသည် မှာလည်း ၄င်းရွေးကောက်ပွဲတခုတည်းသာရှိပေသည်၊
• ရွေးကောက်တင်မြှောက်ခံခဲ့ရသည့် ပြည်သူ့လွှတ်တော်ကိုယ်စားလှယ်များကိုလေ့လာပါက -
o အငြိမ်းစားတပ်မတော်အရာရှိ ၄၂ ဦး
o အငြိမ်းစားနိုင်ငံဝန်ထမ်း ၁၄၅ ဦး
o အထက်တန်းရှေ့နေဗဟိုတရားရုံးရှေ့နေ ၅၄ ဦး
o ဆရာဝန်သမားတော် ၅ဝ ဦး
o အမျိုးသမီး ၁၅ ဦး
o အခြား ၁၇၉ ဦး ဖြစ်ကြောင်းတွေ့ရသည်။

No comments:

Post a Comment