ညွန့်ပေါင်းသတင်းလွှာ။ ပုလဲသွယ် နိုင်ငံရေးစာမျက်နှာ။ တင်ပြ-ဆွေးနွေး-ရေးသားချက်များ။ ယမုန်နာ ဆေးခန်း။ ပြည်ထောင်စုအရေး။ ဒေါက်တာတင့်ဆွေ၏ စာများ။ My writings ၁၉၉၀ ရွေးကောက်ပွဲ။

Monday, March 2, 2009

(၁၉၉ဝ)ပြည့်နှစ် ရွေးကောက်ပွဲ တစေ့တစောင်း - စိုင်းညွန့်လွင်

ပြည်သူ့လွှတ်တော်ကိုယ်စားပြုကော်မတီ ၏ ရွေးကောက်ပွဲ (၁ဝ)နှစ်မြောက် အထိမ်းအမှတ်စာအုပ်မှ ကောက်နုတ်စာ။
အချိန်ကား (၁၉၈၉)ခုနှစ် နိုဝင်ဘာလနောက်ပိုင်းကာလဖြစ်ပြီး လားရှိုမြို့တွင် ဖြစ်ပါသည်။ လူတသိုက်သည် မုန်ညှင်းပင်များကို နှုတ်ပစ်နေကြသည်။ ပြီးတော့ ထိုနေရာတွင် ဝါးများဖြင့် တဲရုံကြီးတရုံကို ဆောက်လုပ်ကြသည်။ ထိုမုန်ညှင်းခင်းမှာ စစ်ပြန်ရဲဘော်ဟောင်းကြီးတဦးက စိုက်ထား သောအခင်းဖြစ်ပြီး၊ ညီလာခံကျင်းပရန်နေရာ ဖြစ်သောကြောင့် ကြီးထွားနေဆဲ အခင်းကြီးကို ဖျက်ပြီး ရှမ်းတိုင်းရင်းသားများဒီမိုကရေစီအဖွဲ့ချုပ်၏ စတုထ္ထအကြိမ် ပါတီညီလာခံကျင်းပရန် အဆောက်အဦကို ဆောက်လုပ်စေခြင်းဖြစ်ပါသည်။

ကျနော်တို့သည် ပါတီသက်တမ်း တနှစ်ကျော်ကာလအတွင်းမှာဘဲ ညီလာခံကျင်းပခဲ့ပြီး ယခု တကြိမ် ထပ်မံ၍ စတုထ္ထအကြိမ် ညီလာခံကျင်းပရခြင်းမှာ ပါတီဝင်ထုအောက်ခြေမှ ရွေးချယ်တင်မြှောက် လိုက်သော ဗဟိုအလုပ်အမှုဆောင်များကို ရွေးချယ်စေလိုသောကြောင့်ဖြစ်ပါသည်။ အားလုံးမှာ ဒီမိုကရေစီကိုသာ တဖွဖွ ပြောနေကြသောကြောင့် အများဆန္ဒကို ရှေ့တန်းတင်လိုကြသည်။ ထိုညီလာခံ သို့မြို့နယ်ကိုယ်စားလှယ်အသီးသီး (၆ဝဝ)ကျော် တက်ရောက်ခဲ့ကြသည်။ အသေအချာဆွေးနွေးခဲ့ကြ ပြီး အခြေခံနယ်မြေမရှိသော ရန်ကုန်၊ မန္တလေးမြို့မှ မပါမဖြစ်ပုဂ္ဂိုလ်များမှလွဲ၍ ကျန်အလုပ်အမှုဆောင် များကို မိမိတို့ကြိုက်နှစ်သက်ရာ အများဆန္ဒဖြင့် မဲပေး ရွေးချယ်ခဲ့ကြသည်။
ထိုညီလာခံတွင် ပထမအချက်အနေဖြင့် မြို့နယ်များမှ တင်မြှောက်လိုက်သော ဗဟိုကော်မတီ အသစ်ချပ်ချွတ်များကို ရွေးချယ်နိုင်ခဲ့သည်။ နောက်တချက်မှာ ပါတီစုံဒီမိုကရေစီအထွေထွေရွေးကောက် ပွဲကြီးတွင်္ဒှီူ မှ ပါဝင်အရွေးခံမည့်အကြောင်းကို ဆွေးနွေးဆုံးဖြတ်ခဲ့ကြသည်။ ရွေးကောက်ပွဲ တာဝန်သည် ဗဟိုကော်မတီအသစ်၏ ပခုံးပေါ်သို့ကျရောက်လာသည်။ နိုင်ငံရေးအတွေ့အကြုံအားဖြင့် တနှစ်ကျော်သာရှိသေးသော ဗဟိုကော်မတီဖြစ်ပါသည်။ မဆလ တာဝန်များကို ထမ်းဆောင်ခဲ့ဖူး သူများ ပါဝင်သော်လည်း နိုင်ငံရေးတာဝန်ယူခဲ့ခြင်းသာဖြစ်ပြီး နိုင်ငံရေး လုပ်ဆောင်ခဲ့သည်ဟုမဆိုသာပါ။
ထိုညီလာခံတွင် မြို့နယ်အတော်စုံသည်။ မြစ်ကြီးနားမှသည် ရှမ်းပြည်တောင်ပိုင်း မိုင်းပန်းအထိ ကျယ်ပြန့်ပါဝင်သည်။ ပြဿနာတစုံတရာမရှိခဲ့။ ညီလာခံရုတ်သိမ်းပြီးသောနေ့ ညဘက်တွင် လားရှိုးမြို့လယ်နှင့် ရေပူစမ်းနှစ်နေရာတွင်ဗုံးပေါက်ကွဲမှုဖြစ်ခဲ့သည်။ တစုံတရာထိခိုက်ဒဏ်ရာရခြင်းမရှိခဲ့။ ညီလာခံကျင်းပသည့်နေရာသည် ထိုဗုံးပေါက်ကွဲမှုအကြားတွင်ဖြစ်သည်။ ဘယ်သူက၊ ဘာ့ကြောင့်၊ ဖေါက်ခွဲခဲ့သည်ကို ယနေ့တိုင်မသိရပါ။
ရွေးကောက်ပွဲဝင်ရန် ဆုံးဖြတ်လိုက်သောအချိန်သည် ရွေးကောက်ပွဲကျင်းပရန်အချိန် (၆)လ နီးပါမျှသာ ကျန်ပါတော့သည်။ မဟာဗျူဟာ၊ နည်းဗျူဟာ ဘာမျှမချမှတ်ရသေး။ ဘဏ္ဍာရေး အခြေ အနေကလည်း မကောင်းပါ။ ရွေးကောက်ပွဲဝင်နိုင်မည့် နယ်မြေများကို ညှိနှိုင်းသတ်မှတ်ရပါသည်။ ဖြစ်နိုင်ချေရှိသော ဒေသနယ်မြေများတွင် ဝင်ရောက်ယှဉ်ပြိုင်နိုင်မည်ဖြစ်သည်။ ကိုယ်စားလှယ်ရွေးချယ်ရန် အရည်အချင်း စံသတ်မှတ်သောအခါ အဓိကအချက် တခုအနေဖြင့် ဒေသခံများကိုသာ ရွေးချယ်ရန်ဖြစ်ပါသည်။ ငွေရေးကြေးရေးသည် အတော်ပင် အခက်အခဲဖြစ်ပါသည်။ ငွေရေးကြေးရေးထက် ခက်သည်မှ္ဒှာီူ အတွက်ကိုယ်စားလှယ်လောင်းရရှိရေးဖြစ်ပါသည်။ စိတ်ချရသော ကိုယ်စားလှယ် လောင်း ရရှိရေးသည် ကျနော်တို့အဖို့ အခက်ခဲဆုံးပြဿနာကြီးဖြစ်ခဲ့ပါသည်။ အခြားဒေသများတွင် ကိုယ်စားလှယ်ဖြစ်ရရေးအတွက် အကြိတ်အနယ် ယှဉ်ပြိုင်ကြရသည်ဟု သိရသည်။္ဒှီူ အတွက် ကိုယ်စားလှယ်လောင်းတဦး ရရှိရေးအတွက် အတော့်ကိုစည်းရုံးသိမ်းသွင်းယူရပါမည်။
ဗျူဟာခင်းကျင်းလိုက်သောအခါ ရွေးကောက်ပွဲနယ်မြေများအဖြစ် ရှမ်းပြည်နယ်၊ ကယား ပြည်နယ်၊ ကချင်ပြည်နယ်နှင့် စစ်ကိုင်းတိုင်းတို့ကို အဓိကယှဉ်ပြိုင်ရန် ဆုံးဖြတ်ထားပါသည်။ ဖေါ်ပြပါ ဒေသများတွင် တစညပါတီ ရုံးမစိုက်သောမြို့နယ်မှာ မရှိသလောက်ဖြစ်ပါသည်။ ထို့ကြောင့်လည်း မူလ တွက်ကိန်းအရ ကျနော်တို့အတွက် အဓိကယှဉ်ပြိုင်ရမည်မှာ တစညပါတီသာ ဖြစ်လိမ့်မည်ဟု နား လည်ထားခဲ့သည်။ တစညပါတီမှာ မြို့နယ်တိုင်း အခြေတကျရှိခဲ့ပြီး နဂိုမူလရှိထားခဲ့သည့် စည်းရုံးထား ပြီးသည့်ပုဂ္ဂိုလ်များဖြင့်ရွေးကောက်ပွဲဝင်ရန်အဆင်သင်ပြင်ထားခဲ့ပြီးဖြစ်သည်။ ထို့ကြောင့်လည်း တစည သာလျှင် ကျနော်တို့အဖို့ အဓိကယှဉ်ပြိုင်ရမည့်ပါတီအဖြစ် ကျနော်တို့တွေးထင်ထားခဲ့သည်။
ရွေးကောက်ပွဲဝင်ရန် မဲဆန္ဒနယ်များ သတ်မှတ်စဉ်က စုစုပေါင်း(၆၅)နေရာ ဝင်မည်ဟု ရည်မှန်းထားခဲ့သည်။ တကယ်တမ်း အမည်စာရင်းတင်သွင်းသောအခါတွင်လည်း္ဒှီူ အဖို့ “အိုးစည်”သင်္ကေတကို လွယ်လွယ်ကူကူသတ်မှတ်ရွေးချယ်နိုင်လိုက်ခြင်းအတွက်လည်း္ဒှီူ ၏ စည်းရုံးရေးမှူးများ စိတ်ဓါတ်တက်ကြွစွာဖြင့် စည်းရုံးနိုင်ခဲ့ကြသည်။ အိုးစည်သည် ရှမ်းတိုင်းရင်းသား တို့အတွက် အမှတ်သင်္ကေတတခုဖြစ်သည်ဆိုလျှင် မမှားပေ။
္ဒှီူ အနေဖြင့်“ဝ”နယ်ဒေသတွင် အမည်စာရင်း(၄)နေရာတင်သွင်းခဲ့သည်။ ရွေးကောက် ပွဲကျင်းပခါနီးမှ“ဝ”နယ်ရှိ မြို့နယ်များကို ရွေးကောက်ပွဲစာရင်းမှ ပယ်ဖျက်လိုက်ပါသည်။ ရွေးကောက်ပွဲ အမည်စာရင်းတင်သွင်းစဉ်က အာမခံကြေးငွေများကိုပြန်လည်ထုတ်ပေးခဲ့ရာ မှတ်မှတ်ရရ္ဒှီူ ကိုယ်စားလှယ်လောင်း(၂)ဦးအတွက် အာမခံကြေးငွေကို ယနေ့တိုင်အောင် ပြန်မထုတ်ရသေးပါ။ ထူး ခြားသည်မှာ “ဝ”နယ်ဒေသသည် လက်နက်ကိုင်အဖွဲ့အစည်းများနှင့် အပစ်အခတ်ရပ်စဲထားပြီး ငြိမ်း ချမ်းရေးရယူထားပြီးဒေသဖြစ်နေပြီးဖြစ်ပါသည်။ မည်သည့်အကြောင်းအကြာင့် ဖျက်သိမ်းလိုက်ကြောင်း ကို ကျနော်တို့ မသိမကြားရပါ။ ကျန်ဒေသများတွင်မူ အနက်ရောင်နယ်မြေများအဖြစ် သတ်မှတ်ပြီး၊ မဲပေးခွင့်မပြု(မဲစာရင်းတွင်မပါ)သော ကျေးရွာများရှိသော်လည်း၊ ရွေးကောက်ပွဲကိုမူ မဖျက်ဘဲ မူလအစီ အစဉ်အတိုင်း ကျင်းပပေးခဲ့လေသည်။
ရွေးကောက်ပွဲအတွက် မဲဆွယ်စည်းရုံးရေးကာလ စတင်သောအခါတွင်မှ ကျနော်တို့အတွက် အဓိကပြိုင်ဘက်မှ္ဒာီူ ပါတီဖြစ်နေမှန်း အသေအချာသိလာရသည်။ ရှမ်းတိုင်းရင်းသားများ ဒီမိုကရေ စီအဖွဲ့ချုပ်ဟူသော အမည်ကိုကြည့်ပါ-“တိုင်းရင်းသား”ဟုသုံးနှုန်းထားခြင်းသည် တိုင်းရင်းသားစည်း လုံးညီညွတ်ရေးပါတီ(တစည)၏ အဆွယ်အပွားပါတီဖြစ်ကြောင်း ထင်ရှားသည်ဟူသော စွပ်စွဲချက် သည်္ဒီူ ၏ အဓိကတိုက်ကွက်ဖြစ်ခဲ့သည်။ ကျနော်တို့္ဒှီူ ကလူတွေကလည်း သတ်မှတ် ထားသော မူဝါဒမဟုတ်သော စကားများဖြစ်သည့်္ဒီူ ဆိုတာ ဗမာပြည်မကပါဘဲ။ မဆလတုန်း ကလည်း ဗမာပြည်မကဘဲ။ အတူတူဘဲ။ ကိုယ့်ဒေသကလူကိုရွေးပါ။ ကိုယ့်ပြည်နယ်ကပါတီကို အား ပေးမှ မှန်သည် ဟူသောအပြောမျိုးသုံးနှုန်းခဲ့သည်ဟုသိရသည်။ နှစ်ဖက် လေတိုက်ပွဲဆင်နွှဲနေကြ သဖြင့်အမြော်အမြင်ရှိသော အချို့ပုဂ္ဂိုလ်များကမင်းတို့နှစ်ပါတီအကြားထဲကနေ တစညပါတီက ပြန်စား သွားမည်ဟု ကြပ်ကြပ်မတ်မတ်ကြီး သတိပေးခဲ့သည်ကို ပြန်လည်သတိရမိပါသည်။
ထိုစဉ်က္ဒီူ သည် သပိတ်ခေါင်းဆောင်များကို အခြေခံဖွဲ့စည်းထားသောကြောင့် အလွန် တက်ကြွနေပါသည်။ အခြားပါတီအားလုံးကို ပြိုင်ဘက်လို သဘောထားခဲ့သည်။ အရွေးကောက်ပွဲ အနိုင်ရရှိရေးသည်သာ အဓိကဖြစ်နေခဲ့သည်။ ရန်ကုန်မှ အမျိုးသမီးငယ်တယောက်ကို ရှမ်းပြည်နယ် အတွင်းပိုင်း မြို့တခုသို့ပို့ပြီး ရွေးချယ်စေခဲ့တာမျိုးလည်း လုပ်ခဲ့သည်။ လူထုအများစုက သူမကို မသိပေ။ သူမကလည်း လူထုအများစုကို မသိနိုင်ပေ။္ဒီူ ဆိုင်းဘုတ်တင်ပြီး ရွေးကောက်ပွဲဝင်ခဲ့သည်။ ကျနော်တို့က မဆလခေတ်တုန်းကလို အဝေးတနေရာကစေလွှတ်လာပြီး ရွေးချယ်ခံတာမျိုးကို မကြိုက် နှစ်သက်ပါ။ ကျနော်တို့နှင့် ထိုအချက်တွင် ကွဲပြားပါသည်။ ထိုသို့ဖြစ်လျှင် ဒေသခံများအဖို့လည်း ညံ့ရာကျနေမည်မဟုတ်ပါလား။ ကျနော်ကိုယ်တိုင်ပင်လျှင် အခြေခံမရှိသောကြောင့် ဒေသခံကိုဦးစား ပေးပြီး ဝင်ရောက်ယှဉ်ပြိုင်ခြင်း မပြုခဲ့ပါ။ ဤအတွေ့အကြုံသည် ကျနော်တို့စည်းရုံးခဲ့သော စစ်ကိုင်းတိုင်း၊ ကချင်ပြည်နယ်၊ ရှမ်းပြည်နယ်နှင့် ကယားပြည်နယ်တို့တွင် အတွေ့အကြုံဖြစ်သည်။
ရွေးကောက်ပွဲဝင်နိုင်မည့် မြို့နယ်များကို အသေအချာ ပြန်စုံစမ်းစီစစ်ကြည့်သောအခါ ရှမ်း ပြည်နယ်ထဲတွင်္ဒီူ အနေဖြင့် လက်လှမ်းမမှီသော မြို့နယ်များအတော်များများကျန်နေသည်ကို တွေ့ လာရပါသည်။ ဥပမာအားဖြင့်- ဖွဲ့စည်းရေးကာလက္ဒီူ မြို့နယ်စည်းရုံးရေးအဖွဲ့သည် လွိုင်လင်မြို့ နယ် ပင်လုံ၌သာ လမ်းဆုံးသွားသည်။ လဲချားမြို့နယ်သို့ဆက်မဝင်နိုင်ပါ။ ထိုစဉ်က လဲချားမြို့နယ် မဝတ ဥက္ကဋ္ဌမှာ ဗိုလ်ကြီးရွှေအေးဆိုသူဖြစ်ပြီး အလွန်နာမည်ကြီးသည်။ လဲချားမြို့နယ်ကို မကျော်နိုင်သော ကြောင့် လဲချားမြို့နယ် နောက်ကျောတွင်ရှိသည့် မိုင်းကိုင်၊ ကျေးသီး၊ မိုင်းရှူးမြို့နယ်များသည် တစည တပါတီထဲကသာ ရုံးဖွင့်ထားနိုင်သည်။ ထိုစဉ်က ထိုဟာကွက်ကို ဖြည့်ဆည်းနိုင်ရန်္ဒှီူ ၏ စည်းရုံး ရေးအဖွဲ့က ထွင်းဖေါက်စည်းရုံးထားနိုင်သည်။ မိုင်းရှူးမြို့နယ်တခုသာ အသွားအလာ အလွန်ခက်ခဲ သောကြောင့် ရွေးကောက်ပွဲပြီးမှ ရုံးစိုက်နိုင်ခဲ့သည်။ ထိုစဉ်က ရွေးကောက်ပွဲဥပဒေတွင် ယှဉ်ပြိုင်နိုင်သူ မရှိ၊ အမည်စာရင်းတင်သွင်းသူ တဦးသာရှိပါက ထိုသူသည် ပြည့်သူ့လွှတ်တော်ကိုယ်စားလှယ်အဖြစ် အလိုအလျောက် ရွေးချယ်ခံရမည်ဟု ဆိုထားရာ မဖြစ်မနေ သွားရောက်ယှဉ်ပြိုင်ရမည့် သဘောမျိုး သတ်ရောက်ပါသည်။
ရွေးကောက်ပွဲကိုယ်စားလှယ် အမည်စာရင်းတင်သွင်းရက် ကုန်ဆုံးရန်နီးကပ်လာသောအခ္ဒှါီူ အနေဖြင့် အမည်စာရင်းတင်သွင်းရန် ကျန်နေသော မြို့နယ်များအနက် မိုင်းရှူးòမ့ နယ်၊ မိုင်းတုံမြို့ နယ်နှင့် မိုင်းဆတ်မြို့နယ်များတွင် အမည်စာရင်းတင်သွင်းရန် ကိုယ်စားလှယ်မရှိသေးကြောင်း တွေ့ရ သည်။ ရန်ကုန်ဌာနချုပ်တွင်လည်း စည်းရုံးရေးအတွက် လွှတ်စရာလူ မရှိတော့။ မြို့နယ်အသီးသီးက လည်း ကိုယ့်မြို့နယ် အောင်မြင်မှုရရှိရေးကိုသာ အားစိုက်လုံးပမ်းနေရသောကြောင့် အခြားတနေရာသို့မသွားလိုကြပေ။ ကိုယ်ကျိုးစွန့် ဆောင်ရွက်နိုင်သူရှိလျှင် အလိုရှိသည်ဟုကြေညာလိုက်သောအခါ “စေ လိုရာစေ”သွားမည်ဆိုသော ဘွဲ့ရလူငယ်နှစ်ဦးကို မမျှော်လင့်ဘဲ ရရှိလိုက်ပါသည်။ မိုင်းဆက်၊ မိုင်းတုံ သည် သံလွင်မြစ် အရှေ့ဘက်ခြမ်းဒေသဖြစ်ပြီး အလွန်ဝေးလံသောဒေသဖြစ်ပါသည်။ မိုင်းရှူး မြို့နယ် သည်လည်းယခုအချိန်လို အဖိုးတန်ကျောက်မျက်ရတနာများမထွက်သေး၍ လူသိများခြင်းမရှိ။ အသွား အလာအလွန်ခက်ခဲပြီး အန္တရာယ်များပါသည်။
အဆိုပါလူငယ်နှစ်ဦးအား မိုင်းရှူးမြို့နယ်နှင့် မိုင်းတုံမြို့နယ်အား နှစ်ဦးသဘောတူကြိုက်ရာကို ညှိနှိုင်းရွေးချယ်ရန်ပြောသောအခါ စိုင်းဝင်းဖေမှာ တောင်ကြီးဇာတိဖြစ်၍ မိုင်းရှူးကိုရွေးလိုက်ပြီး စိုင်း ဆိုင်ကျောက်ကတော့ သံလွင်မြစ်အရှေ့ပိုင်းဒေသကဖြစ်၍ မိုင်းတုံမြို့နယ်ကို ရွေးပါသည်။ သူတို့နှစ်ဦး သည်သူတို့မရောက်ဖူးသောမြို့နယ်ဒေသအသစ်တနေရာသို့စွန့်စားပြီးသွားခဲ့ကြပါသည်။ တောင်ကြီးရှိ ပါတီခေါင်းဆောင်များထဲက ငွေကြေးတက်နိုင်သူများထံသို့သက်ဆိုင်ရာမြို့နယ်သို့အရောက်လမ်းစရိတ် ပေးလိုက်နိုင်ရန်နှင့် အသိအကျွမ်းရှိလျှင် မိတ်ဆက်ပေးရန်အတွက် မေတ္တာရပ်ခံစာတစောင်သာ ရေးပေးနိုင်ခဲ့ပါသည်။
မိုင်းဆက်မြို့နယ်ကိုတော့ မိုင်းပန်ကိုယ်စားလှယ် ဗဟိုအလုပ်အမှုဆောင် စိုင်းမိုးကြည်အား သွားရောက်ဆောင်ရွက်ရန် စာရေးပေးလိုက်ပါသည်။ အကြောင်းကြောင်းကြောင့် မိုင်းဆက်မြို့နယ်သို့သူလည်းမရောက်ရှိနိုင်ခဲ့ချေ။ မိုင်းရှူးမြို့နယ်တွင် တစည ပါတီအလံတော်အောက်မှ ဝင်ရောက်ယှဉ်ပြိုင် သောပုဂ္ဂိုလ်မှာ ထိုမြို့၏ မြို့မျက်နှာဖုံး လူကြီးတဦးဖြစ်ပြီး တနယ်လုံးကို သြဇာလွမ်းမိုးသူဖြစ်သည်။ သို့အတွက် မိုင်းရှူးမြို့နယ်တွင် ကိုယ်စားလှယ်ရှာမရ။ မည်သူမျှ ဝင်မပြိုင်ရဲကြချေ။ မဖြစ်မနေ ရအောင်ရှာ မည်ဆိုသောဌာနချုပ်မှ မှာကြားသည့်အတွက် ကိုယ်စားလှယ်ရှာမရသည့်အဆုံး စိုင်းဝင်းဖေမှာ မိမိ ကိုယ်မိမိ ကိုယ်စားလှယ်လောင်းအဖြစ် အမည်စာရင်းတင်သွင်းခဲ့ပါသည်။ မိုင်းတုံမြို့နယ်တွင်မူ ကံအား လျော်စွာ ကိုယ်စားလှယ်လောင်းအဖြစ် စိုင်းကျော်စိန်ကို စည်းရုံးနိုင်ခဲ့သောကြောင့် အဆိုပါ စိုင်းကျော်စိန်အား အချိန်မီအမည်စာရင်းတင်သွင်းရန်အတွက် ကျိုင်းတုံမြို့သို့စေလွှတ်ခဲ့ပါသည်။ မိုင်းတုံမြို့မှ ကျိုင်းတုံမြို့သို့အချိန်မီရောက်အောင်လာရသောခရီးမှာ အလွန်မသေချာသော ခရီးဖြစ်ပါ သည်။ သို့သော် အချိန်မီအောင် စိုင်းကျော်စိန်ရောက်အောင်လာနိုင်ခဲ့သည်။ ကျိုင်းတုံမြို့နယ်မှာ ထိုစဉ်က ခွန်ဆာ၏္နဤဗ တပ်ဖွဲ့တို့လှုပ်ရှားနေသောနယ်မြေဒေသဖြစ်ပါသည်။
ရွေးကောက်ပွဲတွင် မဲဆွယ်စည်းရုံးရေးကာလမှာရော၊ ရွေးကောက်ပွဲကာလအတွင်းမှာရော ကချင်ပြည်နယ် အချို့ဒေသမှအပ ကျန်ဒေသများတွင် တောတွင်းလက်နက်ကိုင်အဖွဲ့အစည်းများက ဝင်ရောက်နှောက်ယှက်ခြင်း၊ စွက်ဖက်ခြင်း မကြားသိရပါ။ ထို့ပြင် ဒေသခံ တပ်မတော်တပ်ဖွဲ့များသည် လည်းမျှော်လင့်ထားသည်ထက် ပိုမိုကင်းကင်းရှင်းရှင်းနေထိုင်ခဲ့သည်ကို တွေ့မြင်ရပါသည်။ ဤသည်မှာ ကျနော်တို့ မဲဆွယ်စည်းရုံးရေး အသီးသီးက အလေးထားခဲ့သည်ဟု ကောက်ချက်ချရမည့် ထူးခြားမှု တခုအဖြစ်မှတ်တမ်းတင်ထိုက်သော အချက်ဖြစ်ခဲ့ပါသည်။
ကျနော်တို့ ဝင်ရောက်ယှဉ်ပြိုင်ခဲ့သောဒေသတွင်္ဒီူ မှအောင်ပွဲဆင်သော ဒေသမှာ ကချင် ပြည်နယ်တွင် အအောင်မြင်ဆုံးဟုထင်ပါသည်။ ရှမ်းပြည်နယ်တွင်မူ သံလွင်မြစ်အရှေ့ဖက်ခြမ်းဒေသဟု ဆိုရမည်ဖြစ်ပါသည်။ ကျိုင်းထုံမြို့နယ်အခြေစိုက်္ဒီူ အဖွဲ့သည် အလွန်တရာတက်ကြွစွာဆောင်ရွက်ခဲ့ ခြင်းကြောင့် သူတို့၏စည်းရုံးရေးနယ်မြေတွင် ကိုယ်စားလှယ်နေရာ (၈ဝ)ရာခိုင်နှုန်းရရှိအောင် ဆောင် ရွက်နိုင်ခဲ့သည်။္ဒှီူ နှင့်လည်း အတော်ကြီး ထိပ်တိုက်တွေ့ခဲ့ကြသည်။ ပြဿနာတော့ မဖြစ်ခဲ့ကြပါ။
ရွေးကောက်ပွဲပြီး္ဒီူ ခေါင်းဆောင်များနှင့်္ဒှီူ ခေါင်းဆောင်များ တွေ့ဆုံစကားပြောကြသောအခါ အောက်ခြေပြဿနာများကို နိုင်ငံရေးပြဿနာအဆင့် မဖြစ်စေရန် ထိန်းသိမ်းကြဖို့ သဘောတူကြပါ သည်။ ထိုစဉ် ရှမ်းပြည်နယ်မြောက်ပိုင်း တန့်ယန်းမြို့နယ် မဲဆန္ဒနယ်အမှတ်(၂)သို့သွားပြီးရွေးကောက်ပွဲ တွင်ဝင်ရောက်ယှဉ်ပြိုင်ခဲ့သော သာစည်မြို့နယ်ဇာတိ ရန်ကုန်သူဒေါ်ရင်ရင်မေက ကျနော်တို့္ဒှီူ ပါတီမှ ဒေသခံစိုင်းဝင်းထွန်းကို ရှုံးနိမ့်ခဲ့သည့်အတွက် မကျေနပ်သောကြောင့်တရားစွဲ ဆိုရန်ပြင်ဆင် သောအခ္ဒါီူ မှ လူကြီများကဖြောင်းဖျသောကြောင့်တရားမစွဲဖြစ်တော့ဟုသိရပါသည်။ သို့သော် လည်း စစ်ကိုင်းတိုင်း ဟုမ္မလင်းမြို့နယ်မှ္ဒှီူ ကိုယ်စားလှယ် ဦးမောင်သွင်က ထိုနယ်တွင် အနိုင်ရ ရှိသ္ဒူီူ မှပုဂ္ဂိုလ်အပေါ် တရားစွဲလိုက်သည်ကိုဌာနချုပ်မှ လူကြီးများ မျက်နှာပူစရာများ ဖြစ်ပေါ်ခဲ့ သည်။ ရှမ်းပြည်နယ်တခုလုံးတွင် ကိုယ်စားလှယ်ပေါင်း(၂၃)ဦးရှိပြီး္ဒှီူ ကအများဆုံးရရှိထားရာ တွင်္ဒှီူ အတွက် ထူးခြားချက်တခုမှာ ရှမ်းပြည်နယ်မြောက်ပိုင်း မူဆယ်မြို့နယ်မဲဆန္ဒနယ်အမှတ် (၁)မှရွေးကောက်တင်မြှောက်ခြင်းခံရသော စိုင်းလှဖေသည် ထောက်ခံမဲ(၉၁.၄၅)ရာခိုင်နှုန်းဖြင့် မြန်မာ ပြည်တပြည်လုံးတွင် အများဆုံးရာခိုင်နှုန်းရရှိခဲ့ခြင်းဖြစ်ပါသည်။ နောက်တခုမှာ စည်းရုံးရေး ခက်ခဲ ကျယ်ပြန့်လှသော နယ်မြေများဖြစ်သည့် လွိုင်လင်ခရိုင်(၁၁)နေရာတွင် ရာနှုန်းပြည့် အနိုင်ရရှိခဲ့ခြင်း ဖြစ်ပါသည်။ ရှမ်းပြည်နယ်လိုဒေသတွင် နေထိုင်ခဲ့ဖူးသူများကတော့ မည်မျှကြီးမားသော အောင်ပွဲ ဆိုသည်ကို သိရှိကြပါသည်။ လွိုင်လင်ခရိုင်နှင့် မူဆယ်မြို့နယ်တို့တွင် စည်းရုံးရေးဆောင်ရွက်ကြသ္ဒေှာီူ မှ ပုဂ္ဂိုလ်များ၏ အနစ်နာခံကြိုးစားမှုဖြစ်ကြောင်း မှတ်တမ်းတင်ရပါမည်။
ရှမ်းပြည်နယ်တွင်္ဒှီူ နှင့်္ဒီူ ပါတီနှစ်ခုအတွက် ထူးခြားစွာမှတ်တမ်းတင်ထိုက်သော ဖြစ်ရပ်တခု ရှိခဲ့ပါသည်။ ယင်းမှာ ရှမ်းပြည်နယ်မြောက်ပိုင်း သီပေါမြို့နယ်မဲ ဆန္ဒနယ်အမှတ်(၂)တွင် ရွေးကောက်တင်မြှေက်ခြင်းခံခဲ့ရသ္ဒောီူ ပါတီကိုယ်စားလှယ်ဖြစ်သူစိုင်းအောင်သန်းမှာရှမ်းပြည်နယ် မြောက်ပိုင်း မိုင်းရယ်မြို့နယ် မဲဆန္ဒနယ်္ဒှီူ ပါတီကိုယ်စားပြု ရွေးကောက်တင်မြှောက်ခြင်ခံရသည့် ဦးလှဒင်၏ သားအရင်းဖြစ်နေခြင်းဖြစ်ပါသည်။
အခြားသောနေရာများတွင်တော့ မသိပါ။ ရွှေးကောက်ကပွဲမကျင်းပမီ နှစ်ရက်အလိုတွင် ရှမ်းပြည်နယ် အရှေ့ပိုင်းဒေသတွင် မိုးသည်းထန်ခဲ့သည်။ ကျိုင်းတုံမြို့နယ်အတွင်းရှိ မဲဆန္ဒနယ်မြေ များသို့မဲရုံကိုယ်စားလှယ်များအဖြစ်သွားရောက်ကြမည့်လူငယ်များသည်္ဒှီူ ရုံးတွင် သတင်းပို့ ကြပြီး သီချင်းတကြော်ကြော်ဖြင့် မိုးထဲလေထဲ ကျောပိုးအိတ်ကလေးကိုယ်စီဖြင့် လမ်းလျှောက်ထွက်ခွာ ကြသည်ကို ယနေ့တိုင်ကျနော့်မျက်စိထဲက မထွက်နိုင်ပါ။ သူတို့ထဲမှတချို့သည် မိုင်နှစ်ဆယ်ခန့်ခရီးကို လမ်းလျှောက်သွားကြသည်။ သူတို့အတွက် နေ့တွက်စရိတ် တနေ့(၈ဝ)ရာခိုင်နှုန်းဖြင့် သုံးရက်စာသာ ပေးလိုက်နိုင်သည်။ သို့သော် သူတို့သည် သီချင်းတကြော်ကြော်ဖြင့် မိုးထဲလေထဲလျှောက်ထွက်သွား ကြသည်ကို ယနေ့တိုင် မြင်ယောင်နေဆဲပါ။ ယခုဆိုလျှင် တနှစ်တိုင်ခဲ့ပါပြီ။ ရွေးကောက်ပွဲဝင်စဉ်က သူနိုင်ကိုယ်နိုင် အပြိုင်အဆိုင်ပြောဆိုခဲ့၊ ခုခံခဲ့ကြသည်။ တချိန်က ကျနော်တို့နှင့် ပြောဆိုတိုက်ခိုက်ခဲ့ သူသည် ယနေ့မှာတော့ မိတ်ဆွေကောင်းတယောက် ဖြစ်နေပြန်သည်။ ရွေးကောက်ပွဲကာလတွင် အလွန်ရိုးသားစွာဖြင့် တက်တက်ကြွကြွ ပါဝင်ဆောင်ရွက်ခဲ့ကြသောလူငယ်များကို ကျနော်ပြန်တွေ့ရ သောအခါ အိမ်ထောင်ရက်သားကျနေကြပါပြီ။ ကျနော်တို့ ရွေးကောက်ပွဲဝင်စဉ်က ပြည်သူလူထုကြီးကို ဒါတွေလုပ်ပေးမည်ဟု ပြောခဲ့သည်။ ဘာလုပ်ပေးရမှာလဲဟု မေးမြန်းခဲ့သည်။ လူထုဆန္ဒထဲက လုပ်ပေး နိုင်လောက်မည့် ကိစ္စများကိုလည်း ဘာလုပ် ပေးပါမည့်အကြောင်း ကတိတွေပေးခဲ့ကြသည်။
သို့သော် ယနေ့အထိ် ထိုကတိကဝတ်အရ ကျနော်တို့လုပ်ပေးခွင့် တခုမျှ မရသေးချေ။

စိုင်းညွန့်လွင် (ရှမ်းတိုင်းရင်းသားများဒီမိုကရေစီအဖွဲ့ချုပ်)

No comments:

Post a Comment