ညွန့်ပေါင်းသတင်းလွှာ။ ပုလဲသွယ် နိုင်ငံရေးစာမျက်နှာ။ တင်ပြ-ဆွေးနွေး-ရေးသားချက်များ။ ယမုန်နာ ဆေးခန်း။ ပြည်ထောင်စုအရေး။ ဒေါက်တာတင့်ဆွေ၏ စာများ။ My writings ၁၉၉၀ ရွေးကောက်ပွဲ။

Monday, March 2, 2009

၁၉၉ဝပြည့်နှစ်မေလ(၂၇)ရက်နေ့တွင်ကျင်းပခဲ့သော ရွေးကောက်ပွဲနှင့်စပ်လျဉ်း၍ အဖွဲ့ချုပ်အဖွဲ့ဝင်လူငယ်တဦး၏ ခံစားချက်များ၊

ပြည်သူ့လွှတ်တော်ကိုယ်စားပြုကော်မတီ ၏ ရွေးကောက်ပွဲ (၁ဝ)နှစ်မြောက် အထိမ်းအမှတ်စာအုပ်မှ ကောက်နုတ်စာ။
၁။ ရွေးကောက်ပွဲကို ဝင်ရောက်ယှဉ်ပြိုင်ခဲ့စဉ် ထားရှိအပ်သော ရည်ရွယ်ချက်

အမျိုးသားဒီမိုကရေစီအဖွဲ့ချုပ်ကို (၁၉၈၈)ခုနှစ် စက်တင်ဘာလ (၂၇)ရက်နေ့တွင် စတင်ဖွဲ့ စည်းခဲ့ပါသည်။ ဤအဖွဲ့ချုပ်တွင် နိုင်ငံရေးသမားဟောင်းကြီးများ၊ အသိပညာရှင်များ၊ အတတ် ပညာ ရှင်များ၊ ဥပဒေပညာရှင်များနှင့် ကုန်သည်ပွဲစားများ၊ နိမ့်မြင့်မဟူ လူတန်းစားအလွှာအသီးသီးမှ ပုဂ္ဂိုလ် များ၊ စစ်မှုထမ်းဟောင်းများ၊ အမျိုးသမီးများ၊ လူငယ်များ၊ အလုပ်သမားများ၊ လယ်သမားများတို့ဖြင့် ပါဝင်ဖွဲ့စည်းထားပါသည်။ ကျွန်ုတို့အဖွဲ့သည်‘ကျွန်ုပ်တို့သာမက နောင်လာနောက်သားတို့သည်လည်း မည်သည့်အခါမျှ ဒီမိုကရေစီနှင့်လူ့အခွင့်အရေးများ မဆုံးရှုံးစေရ’ဟူသော ခံယူချက်ဖြင့် ခိုင်မာသော ဒီမိုကရေစီစနစ်ကိုတည်ဆောက်ရန် ပထမဦးစွာခြေလှမ်းတရပ်အဖြစ် အဖွဲ့ချုပ်၏လုပ်ငန်း အဖွဲ့အစည်း အသီးသီးကို ထပ်ဆင့်ဖွဲ့စည်းခဲ့ရာ ကျွန်ုပ်တို့အမျိုးသားဒီမိုကရေစီအဖွဲ့ချုပ် လူငယ်အဖွဲ့သည် တခုအပါ အဝင်ဖြစ်ခဲ့ပေသည်။ ထိုမှတဖန် ဒုတိယခြေလှမ်းအဖြစ် ‘မြန်မာနိုင်ငံတွင် စစ်မှန်သော ဒီမိုကရေစီစနစ် ထွန်းကားရေး၊ လူ့အခွင့်အရေးအာမခံချက်များ အပြည့်အဝရရှိရေးနှင့် ပြည်သူလူထုမှ ရွေးချယ်တင် မြှောက်လိုက်သော၊ ပြည်သူ့အားကိုးသော ပြည်သူအစိုးရတရပ်ပေါ်ပေါက်လာရေးတို့အတွက် ရွေး ကောက်ပွဲ’ဟူသော တခါးပေါက်တခုကို ဖြတ်သန်းခဲ့ပါသည်။

ဤနေရာတွင် အထူးဖော်ပြလိုသည်မှာ ရွေးကောက်ပွဲဝင်သည်ဆိုရာ၌ လွတ်လပ်၍ တရား မျှတသော၊ ဘက်လိုက်မှုကင်းသော၊ ရွေးကောက်ပွဲဖြစ်ပါမှ နိုင်ငံရေးပါတီများ၏ လွတ်လပ်စွာ စည်းရုံး ဟောပြောခွင့်၊ ဖွဲ့စည်းခွင့်တို့ ရှိမှပါသာလျှင် ဝင်ရောက်ယှဉ်ပြိုင်မည်ဟု ဆုံးဖြတ်ထားခဲ့ပါသည်။ အမှန် တကယ်တွင်မူ ဝင်ရောက်ယှဉ်ပြိုင်ရန်အတွက် နိုင်ငံရေးပါတီများ၏ မဲဆွယ်ခွင့်၊ စည်းရုံးခွင့်၊ ဟောပြော ခွင့်များသည် (၂/၈၈)နှင့် (၈/၈၈)ဟူသောအမိန့်ကြေညာချက်များဖြင့်ဘောင်ခတ်ခြင်းခံရ၍ မျှော်မှန်း နိုင်သလောက်နိုင်ငံရေးပါတီများ၏ လုပ်ပိုင်ခွင့်များအပြည့်အဝမရရှိခဲ့ပါ။ သို့ပါသော်လည်းရွေးကောက်ပွဲ ကိုကျင်းပပေးရာတွင် ဘက်လိုက်မှုကင်းစွာဖြင့် တရားမျှတစွာဆောင်ရွက်ရွက်ပေးမည်ဟု ယုံကြည်ြုခင်း ကြောင့် ကျွန်ုပ်တို့လူငယ်များသည် ၄င်းရွေးကောက်ပွဲနှင့် ၄င်းရွေးကောက်ပွဲ၏ရလဒ်များအပေါ် များစွာ အားထားမိခဲ့ပါသည်။ ထိုယုံကြည်အားထားမှုများနှင့်အညီ ရွေးကောက်ပွဲကို ကျွန်ုတို့ အဖွဲ့ချုပ်မှ ဝင် ရောက်ယှဉ်ပြိုင်ခဲ့သလို ရွေးကောက်ပွဲအောင်နိုင်ရေးအတွက်လည်း တနိုင်ငံလုံးတွင် အောင်နိုင်ရေး အဖွဲ့များကို ဗဟိုအဆင့်မှသည်- ပြည်နယ်/တိုင်း၊ မြို့နယ်၊ ရပ်/ကျေးအဆင့်များအထိ ဖွဲ့စည်း၍ အောင် နိုင်ရေးလုပ်ငန်းများကို အရှိန်အဟုန်မြှင့်ဆောင်ရွက်သွားရာ ရွေးကောက်ပွဲခရီးစဉ်များအတွင်း အခက် အခဲပေါင်း မြောက်များစွာ အန္တရာယ်ပေါင်းမြောက်များစွာတို့နှင့် ကြုံတွေ့ခဲ့ကြရပါသည်။

(၂) ရွေးကောက်ပွဲအောင်နိုင်ရေးကာလ အတွေ့အကြုံများ
အောင်နိုင်ရေးအတွက် မဲဆွယ်စည်းရုံးမှုများပြုလုပ်နိုင်ရန်ကျွန်ုပ်တို့လူငယ်များသည် အသက် (၆ဝ)ကျော်(၇ဝ)အရွယ် အဖွဲ့ချုပ်လူကြီးများနှင့်အတူ မိမိတို့ဒေသမှ ရထားတတန်၊ ကားတတန်၊ လှည်း တတန်၊ လှေတတန်၊ ခြေလျှင်တတန်ဖြင့်သွားရသော မိုင်ပေါင်းများစွာကွာဝေးသည့် ကျေးလက်တော ရွာများသို့ခရီးဆန့်မှုများကိုပြုလုပ်ကြရပါသည်။ ထိုသို့သွားလာရာတွင် လမ်းခရီးမှာ ကြမ်းတမ်း လှသော်လည်း ကျွန်ုပ်တို့လူငယ်များနှင့် အဖွဲ့ချုပ်လူကြီးများသည် ပင်ပန်းဆင်းရဲမှုဒဏ်ကို အတူ ကြံ့ကြံ့ခံ၍ မိမိတို့နိုင်ငံ ဒီမိုကရေစီရမှဖြစ်မည်။ အခွင့်အရေးများ အပြည့်အဝရရှိမှ ဖြစ်မည်ဟူသော ဇောဖြင့် ပင်းပန်းဆင်းရဲမှုဒဏ်ကို မေ့ဖျောက်ခဲ့ပါသည်။ ထိုကဲ့သို့ညီညွတ်တက်ကြွစွာ ကျေးရွာများ အထိရောက်အောင် မဲဆွယ်စည်းရုံးရေးလုပ်ငန်းများ ဆောင်ရွက်ခဲ့ကြပါသည်။ အချို့ကျေးရွာများတွင် မြန်မာ့ဆိုရှယ်လစ်လမ်းစဉ်ပါတီ၏မျက်စိပိတ်၊ နားပိတ်မှုဝါဒများကြောင့်၊ ဆိုရှယ်လစ်ကိုနားမလည်၊ ဒီမိုကရေစီကိုလည်းဘာမှမသိ၊ လက်ရှိအခြေအနေဘယ်ရောက်နေသည်ကိုလည်း စိတ်မဝင်စား၊ အစိုးရ ဆိုသည်ကိုလည်း သိပုံမပေါ်သော အခြေအနေများကို ကြုံတွေ့နေရပါသည်။ ထိုမျှ အသိအမြင် ပိတ်ဆို့ ခြင်းခံရသည့် ရွာများတွင် ကျွန်ုတို့အောင်နိုင်ရေးအဖွဲ့များအနေဖြင့် ကြီးမားသော အခက်အခဲများနှင့် ရင်ဆိုင်ရခြင်းကြောင့် တခါတရံတွင် စိတ်ဓါတ်ကျသကဲ့သို့ဖြစ်ရပြီး၊ ၄င်းစိတ်ဓါတ်များကို မကြာခဏ မောင်းထုတ်ပစ်ခဲ့ရပါသည်။ အမျိုးသားဒီမိုကရေစီအဖွဲ့ချုပ်ဟု ပြောလည်းမသိ၊ အဖွဲ့ချုပ်၏ ခေါင်း ဆောင်များ၏ အမည်နှင့်ဓါတ်ပုံပြလည်း မသိသောရွာများတွင် “ဗိုလ်ချုပ်အောင်ဆန်းကို သိသလား” ဟု မေးရပါသည်။ ၄င်းရွာသားများက ဗိုလ်ချုပ်အောင်ဆန်းကို“သိတယ်”ဟုပြန်ဖြေလျှင် “ဒါ- ဗိုလ် ချုပ်အောင်ဆန်းရဲ့သမီးအဖွဲ့၊ ဒီအဖွဲ့ကို မဲထည့်ကြ” ဒါဘဲပြောပြီး မဲပေးပုံပေးနည်းကို သင်ကြားပေးပြီး ကျွန်ုတို့ ပြန်ခဲ့ရပါသည်။
ရွေးကောက်ပွဲကျင်းပပြုလုပ်နေသောနေ့တွင် ကျွန်ုတို့အဖွဲ့မှ လူကြီးများ၊ လူငယ်များနှင့် ပြည် သူလူထုသည် နံနက်(၄)နာရီအချိန်မှစ၍ မဲပေးရန်အတွက် သက်ဆိုင်ရာမဲရုံများတွင် တန်းစီ၍ စောင့် ဆိုင်းနေခဲ့ကြသည်။ မဲရုံများတွင် သက်ဆိုင်ရာ နိုင်ငံရေးပါတီအသီးသီးမှ မဲရုံကိုယ်စားလှယ်အဖွဲ့ဝင်များ၊ ကော်မရှင်အဖွဲ့ဝင်များ၊ အုပ်ချုပ်ရေးအဖွဲ့အစည်းများမှ ကိုယ်စားလှယ်များ ကြီးကြပ်၍ တဦးချင်စီ လွတ်လပ်စွာမဲပေးကြသည်။ ကျွန်ုပ်တို့အောင်နိုင်ရေးအဖွဲ့မှ လူငယ်များသည် မဲရုံတရုံပြီး တရုံ၊ ကူး သန်း၍ မဲပေးမှုအခြေအနေများကို လေ့လာရပါသည်။ ပေးရန်သတ်မှတ်ထားသည့်အချိန် ကုန်ဆုံးပြီး သည့်အခါတွင် အနိုင်အရှုံးစာရင်းကို ရင်ခုန်စွာ နားစွင့်နေခဲ့ပါသည်။ နောက်ဆုံးတွင် မည်သည့်အခြေ အနေများနှင့် တွေ့ဆုံခဲ့ကြရစေကာမူ ကျွန်ုပ်တို့ အမျိုးသားဒီမိုကရေစီအဖွဲ့ချုပ်သည် တနိုင်ငံလုံး၌ ရွေး ကောက်ပွဲ ဝင်ရောက်ယှဉ်ပြိုင်သည့် မဲဆန္ဒနယ် (၄၈၅)နယ်၌ (၃၉၂)နယ်တွင် အနိုင်ရပြီး အဖွဲ့ချုပ်၏ အဓိကမဟာမိတ်ပါတီများဖြစ်သော အမျိုးသားဒီမိုကရေစီပါတီမှ မဲဆန္ဒနယ်(၃)နယ်၊ မျိုးချစ်ရဲဘော် ဟောင်းများအဖွဲ့က (ဆဲဆန္ဒနယ်)စုစုပေါင်း (၈၂%) ကျော်ဖြင့် အနိုင်ရရှိခဲ့ပါသည်။

၃။ ရွေးကောက်ပွဲပေါ်တွင် ထားရှိခဲ့သော မျှော်လင့်ချက်များ
ကျွန်ုပ်တို့လူငယ်များသည် ဤရွေးကောက်ပွဲကြီးပြီးသည်နှင့်တပြိုင်နက် ကျွန်ုပ်တို့နှင့်တကွ အများပြည်သူ လိုလားတောင်းတနေသော ဒီမိုကရေစီစနစ် မြန်မာနိုင်ငံတွင် အမြန်ဆုံးပြန်လည် ထွန်း ကားလာလိမ့်မည်ဟု ယုံကြည်မျှော်လင့်လျက်ရှိပြီး ကျွန်ုတို့မျှော်လင့်ချက်များမှာ ကိုယ်ပိုင်အခွင့် အရေးများဖြစ်သော လွတ်လပ်စွာပြောဆိုခွင့်၊ ရေးသားခွင့်၊ ဖန်တီးခွင့်များအပြင် လူတိုင်းလူတိုင်း၏ ဘဝလုံခြုံခွင့်များလည်း ရရှိတော့မည်မှာ သေချာသလောက်ရှိနေ၍ ကျွန်ုပ်တို့မျှော်လင့်ချက်များမှာ ပိုမို ခိုင်မာလာပါသည်။ ရွေးကောက်ပွဲပြီးလျှင် အနိုင်ရရှိခဲ့သောလူထုကိုကိုယ်စားပြုသည့်ပြည်သူ့လွှတ်တော် ကိုယ်စားလှယ်များဖြင့် ပြည်သူ့လွှတ်တော်ကို မလွဲမသွေ ဖွဲ့စည်းပေးရမည်ဖြစ်ပြီး ၄င်းလွှတ်တော် ကသာ တိုင်းပြည်၏အနာဂတ်ကံကြမ္မာကို ဆုံးဖြတ်ဆောင်ရွက်ပေးရမည်ဖြစ်သဖြင့် ပြည်သူ့လွှတ်တော် တစ်ရပ် အမြန်ဆုံးပေါ်ထွန်းလာရေးအတွက် ကျွန်ုတို့လူငယ်များ အားသန်ခဲ့ပါသည်။

၎။ (၁၉၉ဝ)ပြည့်နှစ် ရွေးကောက်ပွဲနှင့် ရွေးကောက်ပွဲအပြီးကာလများအပေါ် သုံးသပ်ချက်
(၁၉၉ဝ)ပြည့်နှစ် ရွေးကောက်ပွဲသည် မြန်မာနိုင်ငံတွင်သာမက ကမ္ဘာ့နိုင်ငံအသီးသီး၏ မျက် နှာစာတွင်ပါ လွတ်လပ်၍တရားမျှတသော ရွေးကောက်ပွဲတရပ်အဖြစ် အသိအမှတ်ပြုခြင်းခံခဲ့ရပါသည်။ ရွေးကောက်ပွဲကို တရားမျှတစွာ ဆောင်ရွက်ပေးလိမ့်မည်ဟု ကျွန်ုတို့လူငယ်များအပါအဝင် အများ ပြည်သူများက မျှော်လင့်ထားကြပါသည်။ ပြည်သူ့လွှတ်တော်ရွေးကောက်ပွဲ ဥပဒေအခန်း(၂) ပုဒ်မ(၃) အရလည်းကောင်း၊ ဒီမိုကရေစီစနစ်၏အနှစ်သာရများ အရလည်းကောင်း၊ နိုင်ငံတကာ ကျင့်ထုံး ကျင့်နည်းများနှင့် လျော်ညီစွာလည်းကောင်း (၁၉၉ဝ)ပြည့်နှစ် ရွေးကောက်ပွဲ၏ အနှစ်သာရဖြစ်သော ပြည်သူ့လွှတ်တော်ကို ခေါ်ယူဖွဲ့စည်းပေးရန်မှာ အာဏာပိုင်တို့၏ ကျန်ရှိနေသောတာဝန်တရပ် ဖြစ်ပါ သည်။ ထိုတာဝန်ကိုမလွဲမသွေ ဆောင်ရွက်ပေးရမည်လည်းဖြစ်ပါသည်။ ကျွန်ုပ်တို့အဖွဲ့ချုပ်မှ အစဉ် အမြဲတောင်းဆိုလျက်ရှိသော တွေ့ဆုံဆွေးနွေးရေးနှင့် ပြည်သူ့လွှတ်တော်ခေါ်ယူရေးတို့မှာလည်း ဒွန့်တွဲ လျက်ရှိနေပါသည်။ သို့ရာတွင် ကျွန်ုပ်တို့၏တောင်းဆိုချက်ဖြစ်သော တွေ့ဆုံဆွေးနွေးရေးနှင့် ပြည်သူ့ လွှတ်တော်ခေါ်ယူရေးတို့ကို အာဏာပိုင်များက ပစ်ပယ်ထားပြီး၊ ပြည်သူ့လွှတ်တော်ရွေးကောက်ပွဲ ဥပဒေတွင်မည်သို့မျှ ပြဋ္ဌာန်းထားခြင်းမရှိသော အမျိုးသားညီလာခံတရပ်ကို ဖန်တီး၍ လွှတ်တော် ခေါ်ယူရေးကိစ္စကို ရှောင်ရှားခဲ့ပါသည်။ ထိုညီလာခံကို (၁၉၉၃)ခုနှစ် ဇန္နဝါရီလမှစတင် ကျင်းပခဲ့ပြီး ယနေ့တိုင် ပြီးဆုံးခြင်းမရှိသေးပါ။
ကျွန်ုတို့အဖွဲ့ချုပ်အနေဖြင့် လွှတ်တော်ခေါ်ယူရေးအတွက် အကြိမ်ကြိမ် တောင်းဆိုခဲ့သော် လည်း မည်သို့မျှတုံ့ပြန်ခဲ့ခြင်း မရှိပေ။ ဤတောင်းဆိုမှုကြောင့် ကျွန်ုတို့အဖွဲ့ဝင် မြောက်များစွာသာလျှင် ဖမ်းဆီး၊ ထိန်းသိမ်းအရေးယူ အပြစ်ပေးခြင်းကို ခံခဲ့ရပါသည်။ အာဏာပိုင်များအနေဖြင့် ဒီမိုကရေစီ လမ်းကြောင်းအတိုင်း သွားနေပါသည်ဟု ထပ်တလဲလဲ ပြောသော်ငြားလည်း တကယ့် ဒီမိုကရေစီ လုပ် ဆောင်သူများနှင့် ဒီမိုကရေစီစနစ်၏ အနှစ်သာရတခုဖြစ်သော ပြည်သူ့လွှတ်တော်ခေါ်ယူရေးနှင့် ပတ် သက်သည့် ပါဝင်ဆောင်ရွက်သူအများစုကို အရေးယူအပြစ်ပေးခြင်းဟူသော လိုက်လျောမှုမျိုးကိုသာ ခံစားစေခဲ့ပါသည်။ ထို့ကြောင့် ကျွန်ုပ်တို့အပါအဝင် ပြည်သူလူထုကြီးနှင့် နိုင်ငံရေးပါတီ အားလုံးကို ရွေးကောက်ပွဲမတိုင်မီနှင့် ရွေးကောက်ပွဲပြီးစတွင် အာဏာပိုင်များကပေးအပ်ခဲ့သော ကတိကဝတ်များ သည်လည်းကောင်း၊ ဒီမိုကရေစီစနစ်သို့ဦးတည်သွားနေပါသည်ဆိုသော ကြွေးကြော်သံများသည် လည်းကောင်း ယနေ့ အချိန်အခါတွင် ယုံနိုင်ဖွယ်မရှိတော့ပါ။
(၂၃၊ ၆၊ ၉၈)ရက်နေ့တွင် အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့မှ (၂၇၊ ၅၊ ၉၈)ရက်နေ့တွင် ပြုလုပ်သော ရွေးကောက်ပွဲနှစ်ပတ်လည် အစည်းအဝေးဆုံးဖြတ်ချက်အရ ပြည်သူ့လွှတ်တော်ခေါ်ယူဖွဲ့စည်းပေးရန် ဥပဒေအရတာဝန်ရှိသော အာဏာပိုင်များထံသို့(၁၉၈၈)ခုနှစ် သြဂုတ်လ(၂၁)ရက်နေ့မတိုင်မီ လွှတ်တော်ခေါ်ယူဖွဲ့စည်းပေးပါရန် တိုက်တွန်းတောင်းဆိုခဲ့ပါသည်။ သို့ပါသော်လည်း မည်သို့မျှ အကြောင်းပြန်ခြင်းမရှိခဲ့ပေ။ (၂၁၊ ၈၊ ၉၈)ရက်နေ့တွင် ကြေညာချက်အမှတ် (၃၅/၉၈)ဖြင့် တိုင်းရင်းသားလူမျိုးစုကိုယ်စားလှယ်များပါဝင်သော ပြည်သူ့လွှတ်တော်တရပ်ကို အမျိုး သားဒီမိုကရေစီအဖွဲ့ချုပ်မှ မကြာမီရက်အတွင်း ခေါ်ယူဖွဲ့စည်းမည်ဖြစ်ကြောင်း ကြေညာခဲ့ပါသည်။ ထို့ အပြင် ရှမ်းတိုင်းရင်းသားများဒီမိုကရေစီအဖွဲ့ချုပ်၊ ရခိုင်ဒီမိုကရေစီအဖွဲ့ချုပ်၊ မွန်အမျိုးသား ဒီမိုကရေစီ အဖွဲ့နှင့် ဇိုမီးအမျိုးသားကွန်ကရပ်တို့က ပြည်သူ့လွှတ်တော်ရွေးကောက်ပွဲဥပဒေကို ကာကွယ် စောင့် ရှောက်ရေးနှင့် တရားဥပဒေစိုးမိုးရေး ဦးတည်၍ ပြည်သူ့လွှတ်တော်ခေါ်ယူရန် အာဏာပိုင်များထံ အ ကြောင်းကြားခဲ့ပါသည်။ သို့ရာတွင် အာဏာပိုင်တို့ထံမှ တုံ့ပြန်ခြင်းမရှိသည့်အတွက် (၁၉၉ဝ)ပြည့်နှစ် ပါတီစုံဒီမိုကရေစီအထွေထွေရွေးကောက်ပွဲမှတင်မြှောက်လိုက်သော ပြည်သူ့လွှတ်တော် ကိုယ်စားပြု သည့် ကော်မတီကို အမျိုးသားဒီမိုကရေစီအဖွဲ့ချုပ်နှင့် တိုင်းရင်းသားနိုင်ငံရေးပါတီများ ပူးပေါင်း၍ (၁၆၊ ၉၊ ၉၈)ရက်နေ့တွင်ဖွဲ့ စည်းခဲ့ရခြင်းဖြစ်ပါသည်။
အချုပ်အားဖြင့်ဆိုရသော် အထက်ဖေါ်ပြပါဖြစ်ရပ်များ တခုပြီးတခုဖြစ်ပေါ်လာရခြင်းသည် ကျွန်ုပ်တို့ အဖွဲ့ချုပ်နှင့် အခြားသော နိုင်ငံရေးပါတီများကြောင့်သော်လည်းကောင်း၊ ကျွန်ုပ်တို့အဖွဲ့မှ လွှတ်တော်ကိုယ်စားလှယ်များနှင့်အခြားသော နိုင်ငံရေးပါတီအသီးသီးမှလွှတ်တော်ကိုယ်စားလှယ်များ၊ တသီးပုဂ္ဂလ လွှတ်တော်ကိုယ်စားလှယ်များကြောင့်သော်လည်းကောင်း၊ ၄င်းတို့အား ဆန္ဒမဲဖြင့် ရွေး ချယ်ပေးလိုက်သောပြည်သူလူထုကြောင့်သော်လည်းကောင်း ဖြစ်ရခြင်းမဟုတ်ပါ။ ဘယ်သူမပြု မိမိမှု ဆိုသည့်အတိုင်း ၄င်းကိစ္စရပ်များအတွက် သက်ဆိုင်ရာအာဏာပိုင်များတွင်သာ တာဝန်ရှိနေပြီး၊ ယင်း အကြပ်အတည်းများ လွန်မြောက်နိုင်ရန် နိုင်ငံရေးပါတီအဖွဲ့အစည်းများ၊ ရွေးချယ်တင်မြှောက်ခြင်းခံ ရသော ပြည်သူ့လွှတ်တော်ကိုယ်စားလှယ်များတို့နှင့် တွေ့ဆုံညှိနှိုင်း၍ အဖြေရှာမှသာလျှင် ပြေလည် နိုင်မည်ဖြစ်ကြောင်း သုံးသပ်မိပါသည်။

နိဂုံး
ကျွန်ုပ်တို့လူငယ်များသည် ဖြတ်သန်းခဲ့ရသောအခြေအနေများတွင် စိတ်ပျက်ဖွယ်ရာ၊ စက် ဆုတ်ဖွယ်ရာ၊ နာကျည်းဖွယ်ရာများနှင့် မည်သို့ပင်ကြုံတွေ့ရလင့်ကစား မိမိတို့ရည်မှန်းချက်ဖြစ်သော ဒီမိုကရေစီပန်းတိုင်သို့လျှောက်လှမ်းရာ၌ မဆုတ်မနစ်သော ဇွဲ၊ လုံ့လတို့ဖြင့် ပြည်သူလူထု၏ ယုံ ကြည်အားထားမှုကိုခံယူပြီး ရွေးကောက်ပွဲသို့ဝင်ရောက်ယှဉ်ပြိုင်ခဲ့စဉ်က ထားရှိခဲ့သော ယုံကြည် မျှော် လင့်ချက်များကို ဆက်လက်အကောင်အထည်ဖေါ်ဆောင်ရွက်သွားမည်ဖြစ်ကြောင်းနှင့် နောင် ကာလ များတွင်လည်း (၁၉၉ဝ)ခုနှစ် ရွေးကောက်ပွဲအောင်နိုင်မှုရလဒ်များအပေါ်တွင် မျှော်လင့်ချက် ခိုင်ခိုင် မာမာထား၍ မဖြစ်မနေကြိုးပမ်းဆောင်ရွက်သွားမည်ဖြစ်ကြောင်း အဓိဋ္ဌာန်ပြုအပ်ပါသည်။ ။

အဖွဲ့ချုပ်ဝင် လူငယ်တဦး

No comments:

Post a Comment