ညွန့်ပေါင်းသတင်းလွှာ။ ပုလဲသွယ် နိုင်ငံရေးစာမျက်နှာ။ တင်ပြ-ဆွေးနွေး-ရေးသားချက်များ။ ယမုန်နာ ဆေးခန်း။ ပြည်ထောင်စုအရေး။ ဒေါက်တာတင့်ဆွေ၏ စာများ။ My writings ၁၉၉၀ ရွေးကောက်ပွဲ။

Monday, March 2, 2009

လွတ်လပ်ရေး - နန်းညွန့်ဆွေ

ပြည်သူ့လွှတ်တော်ကိုယ်စားပြုကော်မတီ ၏ ရွေးကောက်ပွဲ (၁ဝ)နှစ်မြောက် အထိမ်းအမှတ်စာအုပ်မှ ကောက်နုတ်စာ။

တိုင်းပြည်လွတ်လပ်လည်း
မလွတ်ပြည်သူ၊ သည်တမူတည့်
ပြည်သူလွတ်လည်း၊ မလွတ်တိုင်းပြည်
သည်တမည်တည့်-။

တိုင်းပြည်လည်းလွတ်၊ ပြည်သူလွတ်သည်
အထွဋ်တိုင်တည်၊ ထက်နတ်ပြည်တည့်
တိုင်းပြည်မလွတ်၊ ပြည်သူမလွတ်သည်
ရှေးဝဋ်ကြမ္မာ၊ ငရဲရွာတည့်-။

အို --ရဲဘော်
သင်ဘယ်ပြည်မှာ၊ နေနေပါသလဲ
သင်ဟာလူသား၊ လူ့ဝတ္တရားဖြင့်
တရားဥပဒေ၊ လွတ်လပ်စေမှ
လူ့အခွင့်အရေး၊ လွတ်လပ်ပေးမှ
အသက်မွေးမှု၊ လွတ်လပ်ပြုမှ
သင့်အသိပညာ၊ လွတ်လပ်ပါမှ
သင့်အတွေးအခေါ်၊ လွတ်လပ်သော်မှ
ပြည်တော်သာယာ၊ ချမ်းမြေ့ပါလိမ့်-။

အာဏာကြီးမား၊ လူတန်းစားက
သင့်အားကျိတ်မှိတ်၊ သင့်ငယ်ထိပ်ကို
ဖိနှိပ်ဆက်ဆံ၊ နည်းမမှန်သော်
သည်းမခံလေနှင့်- အို ရဲဘော်-။ ။

နန်းညွန့်ဆွေ

No comments:

Post a Comment